Umukuru w’umugambwe APDR avuga ko biteguye kwitaba ibiganiro hamwe botumirwa

Yanditswe na MUGISHA Van Naris

Kuya 23 février 2018 saa 01:13

10200

0 0

Umukuru w’umugambwe APDR, urunani rw’amahoro no gusubiza hamwe, amenyesha ko inama ihuza abakuru b’ibihugu vya Afrika y’Ubuseruko iriko ibera mu gihugu c’Ubuganda izogira akamaro ku Burundi. Gabriel BANZAWITONDE avuga ko ishobora gutuma n’imigenderanire hagati y’Urwanda n’Uburundi inaguka.

Gabriel BANZAWITONDE arongoye umugambwe APDR avuga ko inama iriko ihuza abakuru b’ibihugu vy’akarere ka Afrika y’Ubuseruko ishobora gutuma haba ibihinduka muri poritike y’Uburundi, ivyo navyo bikagira ingaruka k’ubutunzi bw’igihugu, kuko poritike itameze neza n’ubutunzi buca bugoyagoya.

Ku bijanye n’ibiganiro bihuza abarundi, Gabriel BANZAWITONDE avuga ko, ariwo muti, kandi bitegerezwa kubandanya aho vyobera hose, kuko ikibazo atari ikibanza vyoberamwo, ariko ikibazo ari icoganirwako.

Kubwa Gabriel BANZAWITONDE, mu mugambwe arongoye nta kizobuza ko bitaba ibiganiro hamwe batumiwe, nk’uko bamye bitaba mu gihe cose batumiwe.

Kumenyekanisha

Busurahende 23-02-2018 à 14:45

Nibaza y’uko uwo avugira umugambwe APDR yabivuze atarumva ko Leta y’Uburundi yamaze gushikiriza ko Mkapa yamubwiye ko yahejeje akazi kiwe, ko na cheque bazamaze kumusinyira !