Umurwi ujejwe gukinga ihonyabwoko usaba Reta y’Uburundi gukora amatohoza ku bwicanyi bw’i Buganda

Yanditswe na MUGISHA Van Naris
Kuya 14 mai 2018 saa 01:05
Yasomwe :
0 0

Inama y’igihugu ijejwe gukinga n’ukurandurana n’imizi ihonyabwoko, ivyaha biturutse ku ntambara n’ibindi vyaha bisinzikaza agateka ka zina muntu, ONPGH , isaba Reta y’Uburundi gukorana na Republika Iharanira Intwaro Rusangi ya Kongo mu gutuza imirwi y’iterabwoba yakoze igitero cahitanye abantu 26 muri komine Buganda, intara ya Cibitoke.

Mw’itangazo yashize ahabona kur’uno wa mbere igenekerezo rya 14 Rusama 2018, Inama y’igihugu ijejwe gukinga n’ukurandurana n’imizi ihonyabwoko, ivyaha biturutse ku ntambara n’ibindi vyaha bisinzikaza agateka ka zina muntu imenyesha ko yakiranye umubabaro ubwicanyi bwabereye mu ntara ya Cibitoke bugahitana abantu 26 abandi indwi bagakomereka.

Muri iryo tangazo, Inama y’igihugu ijejwe gukinga n’ukurandurana n’imizi ihonyabwoko, ivyaha biturutse ku ntambara n’ibindi vyaha bisinzikaza agateka ka zina muntu, isaba Reta y’Uburundi gukora amatohoza ku rwego rw’igihugu n’akarere, kugira abakoze ubwo bwicanyi bamenyekane, bashikanwe imbere y’ubutungane.

Inama y’igihugu ijejwe gukinga n’ukurandurana n’imizi ihonyabwoko, ivyaha biturutse ku ntambara n’ibindi vyaha bisinzikaza agateka ka zina muntu, isaba abanyeporitike mu butandukane bwabo, gukora batekanye, bafatanye mu nda, mu mahoro , kugira ntibagwe mu mutego w’umwansi.

Mu kurangiza, Inama y’igihugu ijejwe gukinga n’ukurandurana n’imizi ihonyabwoko, ivyaha biturutse ku ntambara n’ibindi vyaha bisinzikaza agateka ka zina muntu, isaba inzego z’umutekano gufata ingingo zose zishoboka kugira ubwicanyi nk’ubwo ntibusubire kwibonekeza.


Kumenyekanisha

1
Anserme Arakaza 14-05-2018 à 19:31

Ubwicanyi Ko Buba Ababijejw Barorera, Abo Bantu Bahorwa Iki ?

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha