Incamake

"Umwuga wo kwandika no kuririmba niwo ugize ubuzima bwanje’’ - Yves KAMIKIWE

Yanditswe na MUGISHA Van Naris
Kuya 27 mars 2018 saa 04:48
4635
0 0

Umwanditsi w’indirimbo akaba n’umuririmvyi Yves KAMIKIWE, amenyesha ko afise icizere ko Uburundi bushobora gutera imbere kubera umwuga wo kuririmba no gucuraranga. Yves KAMIKIWE avuga ko ku ruhande rwiwe, umwansi wiwe, ari uwomubuza kwandika no kuririmba.

Mu kiganiro yahaye ikinyamakuru IGIHE, umwanditsi w’indirimbo akaba n’umuririmvyi Yves KAMIKIWE, amenyesha ko kwandika indirimbo no kuzirimba arivyo bigize ubuzima bwiwe, arico gituma nawe ategerezwa kubigira, kuko bimubeshejeho.

Yves KAMIKIWE avuga ko amaze kwandika indirimbo nyinshi, kandi amashirahamwe amaze kumwizera akamusaba ko ayafasha kwandika no kuririmba indirimbo, zifasha guhimiriza abantu bo mu mice itandukanye, yo kwitaba ibikorwa canke imigambi y’amashirahamwe .

JPEG - 32.7 ko
Yves KAMIKIWE, Ahejeje guhabwa agashimwe na AAPI muri Etiyopiya

« Hari amashirahamwe menshi ubu yanyizeye amaze kunyitura nkayafasha Nodondagura nka PANOS GRANDS LACS iri kumwe na TRADE MARK EAST AFRICA nabakoreye indirimbo itanguza ikiganiro UMUHORA RUSANGI cavuga ku rudandazwa mu karere ka Afrika y’Ubuseruko n’ayandi. »

Yves KAMIKIWE amaze gusohora inkurikirane z’indirimbo zibiri, rumwe yise Samandari rugizwe n’indirimbo 6, hamwe n’urundi yise Umwanya, rugizwe n’indirimbo umunani.

Umwanditsi w’indirimbo akaba n’umuririmvyi Yves KAMIKIWE, aheruka gutorwa kugira abe umuserukizi w’ishirahamwe AAPI (AFRICAN ARTISTS PEACE INITIATIVE)


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha