Uwurongoye komine Nyabikere apfungiwe mw’ibohero rikuru rya Mpimba

Yanditswe na Egide NDUWIMANA
Kuya 5 Ntwarante 2018 saa 09:57
56520
0 0

Léonidas Nakumuryango, Musitanyeri wa komine Nyabikere, intara ya Karusi apfungiwe mw’ibohero rikuru rya Mpimba. Imbere y’ukumanukanwa gupfungirwa i Bujumbura, uwo arongoye komine Nyabikere yabanje gupfungirwa mw’ibohero rikuru rya Gitega, aho yashitse ku munsi wa gatatu w’indwi iheze.

Ayo makuru y’ipfungwa rya Léonidas Nakumuryango mw’ibohero rikuru rya Mpimba aremezwa na Agnès BANGIRICENGE, umuvugizi wa Sentare ntahinyuzwa, amenyesha ko yagirizwa ibiturire.

Amakuru dufise avuga ko Léonidas Nakumuryango yagirizwa imifuko y’isima yanyuruje, iyo nayo ikaba yari yagenewe kwubaka ikibuga c’umupira c’intara ya Karusi. Agnès BANGIRICENGE, umuvugizi wa Sentare ntahinyuzwa ntahakana ayo makuru, ariko akamenyesha ko ubu igipfunze Léonidas Nakumuryango, Musitanyeri wa komine Nyabikere ari amatohoza ku biturire yagirizwa.

Léonidas Nakumuryango ni umunywanyi w’umugambwe CNDD FDD uri ku butegetsi.

JPEG - 81.3 ko
Impome z’ibihero rikuru rya Mpimba, i Bujumbura muri zone Musaga

Kumenyekanisha

1
Cyimana Etienne Ndayiyenga 5-03-2018 à 19:59

Numva Ga Leta Itari Bibyoroshe! Ese Ubundi Bagiye Bata Muri Gereza Abarya Ruswa Batarebye Ishaka Rye Cangwa Occupation! Ubwo Twaterare Imbere Aha Ngaha Mubihugu Byacu By’ibiyaga Bigari! Courage!

2
Bigimani karusi.nyabikere. 5-03-2018 à 19:01

ndababaz.mwekugiramumupfunge.uwomotama.nukoyagurishishe.isima.iciye miriyaridi ngap?? nabariye farukon baridegemvya..murekure .ntacazira .fata.abariye yandege (yuburundi)

3
Busurahende 5-03-2018 à 13:15

Nta mifuko y’isima (ingahe?) yofunga umukuru nk’uyo. Mwibagiye aho bagurisha Falco 50 ko bavuze yuko no kuyitanga gusa bari kuyitanga? Ni mchezo wa ndani canke?

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha