Advertisement
Kumenyekanisha
  IGIHE.bi \BB Amakuru \BB u Burundi
Abarundi bahunganye imodoka mu Rwanda bagiye kuza barariha ibihumbi 20 ku kwezi
Yanditswe taliki ya 16-03-2016 - isaha 15:43' na IGIHE

Reta y’Urwanda yatanze amezi abiri (ashobora kwongerwa rimwe gusa) ku mpunzi z’Abarundi bahungiye mu Rwanda n’imodoka zabo, kugira babe barazikoresha muri uwo mwanya watanzwe. Inyuma y’ayo mezi, bazohora bariha ibihumbi mirongo ibiri vy’amanyarwanda ku kwezi.

Abatewe ingorane cane kurusha abandi muri iyo ngingo yafashwe akaba ari abahunganye imodoka zabo, bagashikira mu bisagara bitandukanye vy’Urwanda, ariko mu nyuma bagahindura bakimukira mu makambi y’impunzi kuko babonye ko bananiwe n’ubuzima bwo mu bisagara. Benshi mu mpunzi z’Abarundi bakaba batinya gutwara imodoka zabo kuko impusha bari bafise z’ukugendesha imodoka zaheze.

JPEG - 97.7 ko
Impunzi z’abarundi zifise imodoka zigiye kuza zirariha ibihumbi 20 vy’amanyarwanda ku kwezi

Seraphine Mukantabana, umushikiranganji ajejwe gukinga ibiza yamenyesheje ko Reta y’Urwanda iriko irarondera inyishu ntabanduka ku bibazo vy’impunzi zitunze imodoka.

Amategeko y’Urwanda avuga ko imodoka z’abanyamahanga zinjiye mu gihugu zihabwa ivyangombwa vy’indwi zibiri gusa, ariko ivyo vyangombwa bikaba bishobora kwongerezwa gushika ku mezi atatu, igihe nyene imodoka afise impamvu zifadika zo kuguma mu gihugu igihe kirekire.
Ayo mategeko nyene ategekanya ko imodoka y’umunyamahanga yinjiye mu Rwanda iriha amafaranga agera ku madorare 30.

Inyuma y’amezi atatu, nyene imodoka aba ashobora kuyisubirana mu gihugu ciwe, agasubira kuyinjiza mu Rwanda, bitabaye ukwo naho agacibwa amande angana n’ibice 20 kw’ijana vy’agaciro k’imodoka yiwe.

Umushikiranganji Mukantabana amenyesha ko impunzi z’Abarundi zivuga ko ata hantu h’uguhagarika n’ukubika (Parking) imodoka zabo bafise kandi bakanasaba ko bohabwa amahirwe yo gutwara imodoka zabo mu Rwanda.

Ingingo y’agateganyo yabaye irafatwa akaba ari ukwemerera izo mpunzi uruhusha rwo gutwara imodoka zabo mu gihe c’amezi abiri ashobora kwongerwa rimwe, ariko inyuma y’aho hagakurikizwa amategeko.

Tukabamenyesha ariko ko impunzi z’Abarundi zishobora guhitamwo kwandikisha imodoka zabo ku vyangombwa n’iparati ndangamuduga (Plaque) vyo mu Rwanda, canke bagahitamwo ko bobandanya gukoresha izo modoka nk’inyamahanga.

Ivyiyumviro vyanyu

MBEGA IZOMPUNZI ZAHUNZE AMAHORO NTIBOHUNGUKA BAGASANGIRA NABANDI IBIVAMUMAHORO0 NOMUKWUBAKA IGIHUGUC’ UBURUNDI.

27.08.2016 à 21:31
NYABENDA EMA.

Abarundi Bahungiye Mugwanda, Nibahunguke, NYAKUBAHWA PEREZIDA PETERO NKURUNZIZA. NUMUVYEYI. WABANA BUBURUND ... NABABA MUBURUNDI BOSE.

14.06.2016 à 20:07
NYABENDA MANWERI

Ahaaaa ! Rye mbona bitazoroha ! Ubuse abarundi bagiye kuba abande ? Imodoka zose barazigurishije ariko zigumana plaque z’uburundi kugira abaziguze ntibatange umusoro muri Leta. Iyo ni imitwe kugira abaziguze bavuge ko baziguze hanyuma barihe umusoro. Abarundi bazitanga kuri make chaaane. 1000.000FRWA waronka imodoka nsha ! Ubwo urunva ko batari guhana abarundi bari guhana abanyarwanda baziguze. Mbega ishyano !

21.03.2016 à 15:21
mukawera

Ahubwoyamahera nimkeya, abarundi ndumva mwarahageze, nikijuju cyumurundi ngonumunya politiki harya, ntamurundi numwe utagira umuduga ,hiyomiduga yavuyehehe, twahungiyemucyahoze zäire barazitwambura arizacu naho leta yurwanda nibishyure,bagarame mumiduga. bigomba gusubirwamo bazibambure, ubundi muhunga iki

18.03.2016 à 11:42
ibigoyemakungu

Ikibagoye ni imiduga canke ni ukubaho ? Ko bashoboye kuzijana babuze gute ayo kuzirihira ? Bikuye mu vyuya nk’ama.... Ni bawunywe n’aho urura ! Iyo baba ari impunzi ntaco bari kuvana i muhira, barabaza abahunze mu 1972 canke 1993 ko batwara n’akarembe ! Ewe hunga !!!! Bari bakinjuriye benewabo ngo ni indwi zibiri..... Ni bagaruke ntawubanezwe igito gitabwa iwabo.

18.03.2016 à 00:13
######

Bwa bundi impunzi zirarutana.Ahandi hose impunzi usanga zihunga imbokoboko.Impunzi z’abarundi nazo zifise ingorane y"aho zibika amatungo yazo.Jewe mbona mwotahukana ayo matungo yanyu atarayokera mu mahanga.

17.03.2016 à 22:21
Renate

Nibiyandikishe Bahabwe Plaque Nyarwana, Bagahimba Nabi Ngobagaruk Muca Nkurunziza Baramusanga Icobahunze Ntikirahera NB_ : ( Fais Attantion )

17.03.2016 à 15:21
Simeon

Nibiyandikishe Bahabwe Plaque Nyarwana, Bagahimba Nabi Ngobagaruk Muca Nkurunziza Baramusanga Icobahunze Ntikirahera NB_ : ( Fais Attantion )

17.03.2016 à 15:19
Simeon

Ahaaaa...! Ndumiwe Pe ! Imodoka Ng Barihe Naho Muhonyora Muzohoriha Misi Irimber Taha Hakiri Kar Birabasha

17.03.2016 à 13:44
Mpapi

Barakubura batahe iwabo mu Burundi nayubundi uduhera twabo tuzobahererako basigare bameze nka bamasikini.

17.03.2016 à 12:09
Xerus

nibarihe kugirango iterambere ntibasubize inyuma

17.03.2016 à 04:48
zuzu

NIBANZANIRE TUZIBAGURIRE UWUSHAKA KUGURISHA AZANE TUMUHAMAHERA

16.03.2016 à 22:57
######

Amaherezo muraziguza kumafranga yinticantikize ahoniho bariko barabasunikira benewacu.
Ahohantu muzohavana inkoba zike.

16.03.2016 à 19:47
Karibwami N Jean

Mbega barabona iki ? Akataraza kari munyuma .Naha bahonyoza ikireng mumisiza bazahariha.

16.03.2016 à 19:20
nina

Ryembona Botung Plaque Nyarwanda

16.03.2016 à 16:50
Jiph Abayo

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.