Accueil > Amakuru > ishirahamwe > Bujumbura : Abamenyeshamakuru baburagijwe n’abaporisi

Bujumbura : Abamenyeshamakuru baburagijwe n’abaporisi

mardi 29 Ndamukiza 2014

Urugendo rwari rwateguwe n’abamenyeshamakuru rwaburabujwe n’abaporisi, aho bivugwa ko barungitswe n’umukuru w’igisagara ca Bujumbura, abo nabo baje bitwaje indembo.

Abamenyeshamakuru bamaze kwiyegeranya kugira bagire urwo rugendo rwabashikana mu kigo c’ukumenyeshamakuru aho ndetse baca batanga amaraso, abaporisi bashika nka 20 bakaba babatangiriye, ndetse barabazibira bashaka n’ugukoresha inguvu, kugira abo bamenyeshamakuru ntibashobore kujana bose. Basabwa kubanza kwambura ubupira bari bambaye, kugira bajane bose mu kivunga. Ivyo abamenyeshamakuru bavyanse, bahitamwo kugenda bambaye ubwo bupira umwe umwe.

Mu mabarabara amwe amwe y’igisagara ca Bujumbura, ukaba washobora kubona abamenyeshamakuru bariko baragenda bagana ikigo c’ukumenyeshamakuru. Iyo ngendo ya Saidi Juma umukuru w’igisagara ca Bujumbura, ikaba yaneguwe n’abamenyeshamakuru, aho batumva ingene yobabuza, mugihe bari bafise uruhusha rw’umushikiranganji wo kumenyeshamakuru Tharcisse Nkezabahizi hamwe n’urwo muri CNC.

Mu kamenya ko urwo rugendo rwaburagijwe mu gihe, kuri uyu wa gatatu Rusama ari umunsi mpuzamakungu wahariwe ubWigenge bwo kumenyeshamakuru, uwo nawo, ukaba ushitse icuka kitameze neza hagati y’abamenyeshamakuru na Reta, aho bamwe bamaze iminsi batumwako agasakisaki mu butungane kwisigura, ku makuru batanze ku birwanisho bivugwa ko vyahawe Imbonerakure za CNDD FDD.

Aristide Nizigire

Messages

29 Ndamukiza 2014, 13:23, par Bumwe

Ntivyari gushoboka kumvo izi canke ziriya ....?!ariko twibaze igituma FNL ya Jacques yaherekejwe na Police mumutekano ntangere iyo police uno musi ikabuza abamenyeshamakuru mumpe inyishu
29 Ndamukiza 2014, 19:22, par YAKO

Ariko aba POLICES bo mu BURUNDI nabo nyene ntiborohewe, bahabwa amategeko na CNDD FDD, harimwo abayakwirikiza A CONTRE COEUR
Ico gi POLICE kirimwo abahutu bahoze mwishamba bitwara nkinyamaswa , mbere benshi bahoze ari abakozi bo mugikoni , abo rero bameze kurya kwimbwa bayishuhuye ica ipfa kurya amenyo umuntu
Abatutsi nabo bari muri POLICE benshi barazi ubwenge kuko hari nabize za Kaminuza ariko baratinya kuko bahabwa amategeko na BUNYONI...Ba NDAKUGARIKA nabandi bapfukamye UBURUNDI munda , ugasanga bapfa gukora ivyo badashaka,
Ingorane ihari muri POLICE ni COMMANDEMENT, none ivyo bintu mwumva bizodushikana hehe?
Vyongeye aba POLICES bavuye mwishamba bakora n’IMBONERAKURE mukwiba no gufata abagore kunguvu, ABASIRIKARE NABO bavuye mwishamba birirwa muri CONGO, kwigisha inkoho IMBONERAKURE kugira 2015 zize zice bunyamaswa ABAHUTU NA BATUTSI batavuga rumwe na CNDD FDD muntumbero yuko batsinzwe mumatora bafise umugambi wo gusiga baturiye igihugu cacu, mbere bakorana nibisigi vy’INTERAHAMWE biri muri CONGO, bafadikanije nawamuhari FDLR wakora ihonyabwoko mu RWANDA EN 1994, ibirwanisho vyose hamwe nubundi buryo bwa gisirikare babihabwa n’urwego rwiperereza mu BURUNDI
Nico gituma abarundi twese , abahutu, abatutsi dukwiye kuhagabira kuko CNDD FDD ifise ubwoba ko bavuye kubutegetsi baca bafatwa kubera amanyembwa bakoreye u BURUNDI , umwe wese aho aherereye akwiye kwiyubara kuko ntawuzi iyo bashaka gushikana igihugu cacu
30 Ndamukiza 2014, 08:38, par christy

Imana yo mw ijuru niyo cabona

Bujumbura : Abamenyeshamakuru baburagijwe n’abaporisi

Messages

Un message, un commentaire ?

Amakuru

Dans la même rubrique

Mots-clés