Advertisement
Kumenyekanisha
  IGIHE.bi \BB Amakuru \BB umutekano
Ishirahamwe PNUD ryakiranye umubabaro urupfu rw’umukozi waryo
Yanditswe taliki ya 9-11-2015 - isaha 09:14' na IGIHE

Uwuserukira vy’imfatakibanza ishirahamwe mpuzamakungu PNUD mu Burundi amenyesha ko muri iryo shirahamwe bakiranye umubabaro mwinshi urupfu rw’umukozi wabo yagandaguriwe mu Kanyosha.

Babicishije ku muhora (Facebook) wa PNUD, iryo shirahamwe ririyamiriza ubwicanyi bubandanya kwibonekeza mu Burundi.

Uwo mukozi wa PNUD yishwe arashwe mu gitero cabaye kuri uwu wa gatandatu mu bunywero Au Coin des Amis mu Kanyosha.

Abantu bitwaje ibirwanisho bateye mw’ijoro ryo kuwa gatandatu rishura iry’uw’Imana, mu bunywero buri muri zone ya Kanyosha.
Muri ico gitero cabaye muri ubwo bunywero "Au Coin des amis", umwe mu barokotse ariko yakomeretse ku kuguru, amenyesha ko abateye bari bambaye umwambaro w’igiporisi c’Uburundi.

Nk’igihe c’isaha zibiri z’ijoro, niho abantu babiri bambaye impuzu z’igiporisi binjira muri ako kabare, bategeka abari hanze ko bokwinjira mu nzu. Bahejeje kwinjira baciye bategekwa kandi ko bwokwubika inda hasi, barabasaka, babaka amaterefone ngendanwa n’amafaranga, baca barabarasa. Ayo makuru akaba yemezwa na Jean-Bosco Girukwishaka aramutswa Kanyosha, akavuga ko amatohoza yamaze gutangura.

Ivyiyumviro vyanyu

NTAGITANGAJE,IGISAGARA CACU GISIGAYE ARINZU Y’UBUBAGIRO

10.11.2015 à 23:44
MATHOS

NDAHOJEJE UMURYANGO WABUZE BARATURA ARIKO TUHORO IMANA IZODUHORA

9.11.2015 à 21:02
ROBAT

ese uwo mukozi pnb yishwde niki ?

9.11.2015 à 17:17
bir_dragon

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.