Kabatesi Annick umukunzi w’imico kama n’utugenegene

Yanditswe na Joel Sengurebe
Kuya 28 Ntwarante 2013 saa 04:12
7680
1 0

Kabatesi Annick ni umwigeme w’umurundikazi amaze kumenyekana nk’umwe mu bigeme bakarorero mu guteza imbere imico kama n’utugenegene biciye muvyo akora. Kuko iyo uravye neza aho yatanguriye naho ubu ageze uca usanga ubu ageze ku ntambwe ishimishije.
Kabatesi Annick azwi mu buhinga bwiwe bwo guhingura impuzu zaho hambere, zakorwa mu biti maze izo impuzu zikaba ari nziza kandi zishimwa na benshi. Uwo mwigeme twaramwegereye tumubaza ibijanye nivyo akora atubwirako yabitanguye kuva akiri umwana (...)

Kabatesi Annick ni umwigeme w’umurundikazi amaze kumenyekana nk’umwe mu bigeme bakarorero mu guteza imbere imico kama n’utugenegene biciye muvyo akora. Kuko iyo uravye neza aho yatanguriye naho ubu ageze uca usanga ubu ageze ku ntambwe ishimishije.

JPEG - 22.7 ko

Kabatesi Annick azwi mu buhinga bwiwe bwo guhingura impuzu zaho hambere, zakorwa mu biti maze izo impuzu zikaba ari nziza kandi zishimwa na benshi.
Uwo mwigeme twaramwegereye tumubaza ibijanye nivyo akora atubwirako yabitanguye kuva akiri umwana muto kandi ko abona ibikorwa vyiwe bigenda bitera imbere umunsi ku munsi.

JPEG - 82.8 ko

Ngo yatanguye kumenyekana mu masanamu y’indirimbo kuko abacuraranzi benshi bino i Burundi bakunda kumusaba ko yobafasha kuko afise ingabirano yo kuryosha indirimbo ,nk’akarorero aho azwi cane ni mu ndirimbo yitwa “Shebba “ ya R-flow.

JPEG - 19.2 ko

Ubu Annick niwe yambika abaririmvyi benshi bo hano i Burundi baririmba cane ibijanye n’ imico kama. Aho twovuga Steven Sogo,Shazzi kool Harera,Eliane Becks Nininahazwe aba mu gihugu c’ubu Hollande mbere n’abandi benshi batandukanye.
Yari aherutse mu gihugu c’u Rwanda aho yari yitavye isabukuru yitwa “Jamafest” yari yahuje abaharanira imico kama bo muri afrika y’ubuseruko, we rero niwe yaserukiye u Burundi aho yari yajanye iyo myambaro yiwe ikozwe mu biti.

JPEG - 18 ko

Kabatesi akorera ishirahamwe ryo kurwanya umugera wa Sida ryitwa FVS/Amade –Burundi(Famille pour vaincre le Sida-Association Mondiale des Amis de l’enfance).
Kubwo iryo shirahamwe kubera ko Annick afise n’ingabirano yo kuririmba ubu aramaze gukora indirimbo nyinshi kubijanye n’umugera wa Sida.

Annick Kabatesi avuga ko afise intumbero yo gutera imbere muvyo akora kurugero rwo hejuru, akazomenyekanisha igihugu ciwe mu makungu ya hafi na kure afise kandi intumbero yo gushira imbere imico kama n’utugenegene akazovyigisha kandi abari inyuma yiwe maze umuco w’Uburundi ugashinga imizi mu rwaruka.

JPEG - 19.2 ko
JPEG - 95.5 ko

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha