RSF isaba ubutegetsi bwa Congo kurekura Egide MWEMERO

Yanditswe na IGIHE
Kuya 23 octobre 2015 saa 08:10
Yasomwe : 54036
0 0

Ishirahamwe ry’abamenyeshamakuru batagira imbibe RSF (Reporter Sans Frontiere) rihamagarira ubutegetsi bwa Repuburika iharanira intwaro rusangi ya Congo kwikebuka bukarekura Egide MWEMERO yafashwe haraheze iminsi icumi, akaba ataramenyeshwa gushika ubu ico yafatiwe.
Muri RSF bamenyesha ko ubutegetsi bwa Repuburika iharanira intwaro rusangi ya Congo bwari bukwiye kurenganura Egide MWEMERO, umumenyeshamakuru wa RPA, kuko inzego z’ico gihugu zananiwe gushira ahabona ivyo yagirizwa. Umutekano wa (...)

Ishirahamwe ry’abamenyeshamakuru batagira imbibe RSF (Reporter Sans Frontiere) rihamagarira ubutegetsi bwa Repuburika iharanira intwaro rusangi ya Congo kwikebuka bukarekura Egide MWEMERO yafashwe haraheze iminsi icumi, akaba ataramenyeshwa gushika ubu ico yafatiwe.

Muri RSF bamenyesha ko ubutegetsi bwa Repuburika iharanira intwaro rusangi ya Congo bwari bukwiye kurenganura Egide MWEMERO, umumenyeshamakuru wa RPA, kuko inzego z’ico gihugu zananiwe gushira ahabona ivyo yagirizwa. Umutekano wa Egide MWEMERO urateye impungenge ishirahamwe RSF, ivyo bakabivuga bisunze ko yafashwe n’igendereza rya gisirikare, ntamenyeshwe n’ico bamufatiye.

Muri iryo shirahamwe bakanegura ko n’iradiyo Le Message du Peuple yafatiwemwo iriko igirwako iterabwoba, aho mukamenya ko iyo radiyo yari yacishijemwo ikiganiro HUMURA BURUNDI ca RPA (Radio Publique Africaine).

JPEG - 44.2 ko
Egide MWEMERO, umuhinga w’ivyuma w’insamirizi RPA

Umumenyeshamakuru wa RPA, akaba n’umuhinga w’ivyuma, Egide MWEMERO yarahagaritswe n’inzego zijejwe igendereza kw’igenekerezo rya 13 Gitugutu 2015 mu gisagara ca Uvira, muri Repuburika iharanira intwaro rusangi ya Congo. Icatumye ahagarikwa ntikiramenyekana.

Egide MWEMERO yafashwe ari kumwe na bagenzi we Manzambi Mupenge hamwe na Lucien Kanana bakorera insamirizi Le Messager du Peuple yo muri ico gihugu. Abo bamenyeshamakuru Manzambi Mupenge hamwe na Lucien Kanana ba Le Messager du Peuple bahavuye barekurwa, igendereza rya gisirikare risigarana Egide MWEMERO wa RPA.


Kumenyekanisha

1
Jules NININAHAZWE 2-04-2016 à 09:00

ubutegetsi bwa congo nibureke gukoreshwa na leta ya bujumbura kuko ntaho bizobashikana kuko ukwo nukwiteringorane kandi atanizo bari babuze.

2
Zuma 4-03-2016 à 17:01

Huuuusintamasha numuntunkaw

3
Osée Maître Nkundumukiza 15-02-2016 à 17:49

None Kuki Egide Mwemero Yogumayo Wenyene Abandi Barekuwe ? Biteye Amakenga

4
Nzisabira Jean Do Dieu 2-02-2016 à 09:35

Jewe Ico Mbona Nuko Abo Bamenyeshamakuru Bobarekura Atagisabwe.

5
Diamix 28-10-2015 à 21:16

Egide MWEMERO twosaba,ubutungane bwa congo kobwomurekura,akisubirira kumirimo yiwe kuko,ata cobafise bamwagiriza

6
Bir_dragon 25-10-2015 à 08:54

Ego Kamari Ararengana Kweri Ko Abirigwa Baturasa Badafatwa Hagahagarikwa Inzira Karenge !! Ntaco Imana Ahizozira Guhora Abayo,vyose Bizoshira Gusa Dukomeze Kwihangana

7
Saïdo 24-10-2015 à 09:35

Ni Bashire Ahabona Ico Yagirizwa Kiboneka Ata Kadenderezo Karimw Hama Aheze Ahanwe Yisunze Amategeko Canke Ataco Yagirwa Arekurwe

8
#Bongo# 24-10-2015 à 02:03

nibamugumye.kuko ngira yaragiye kubigisha imigumuko nkuko tuzi abamenyeshamakuru ba Rpa Babigenje Mugukwiragiza Inkuru Zibinyoma.Wewe Yaraziko Kongo Ari Urwanda Kwariho Bahejeje Gukora Amabi Beshi Bacabahungira Bakakirwa Nkumwana Yavutse Arumwe.Nibamunyare Iyo Mbwebwe.

9
Ntamoko akirimwo :p 23-10-2015 à 14:09

Congo rekuriyontaamaaaaa ;(:p8-) :@ ;> :(:D :> :/

10
Germain nikwigize junior. 23-10-2015 à 11:25

Ahubwo congo yarasaze iza gufata mwemero ko yananiwe naba nyamulenge cank interahamwe iza gusarira kuri mwemero !nibamurekure vuba bwango bataribonerako ayimbwa yaboneye kumugezi.

11
kamari 23-10-2015 à 10:03

e usanga yaragiye kubigisha unkuntu nabo boza baratuka reta yabo mukuicafuza mubanyagihugu no mumakungu.erega uko Niko eripeya yakora, Congo itegerezwa kuzitira hakirikare ibara ritararwa nko muburundi, e nibabe baramufunga.....

12
Bizoza 23-10-2015 à 09:01

Narekurwe Ariko Ararenganywa Kandi Ahabwe N’indishi Ya Kababaro ,congo Irivanga Muvy’uburundi Bapfuye Rumwe Bose Bashaka Mandat Itagira Na Nvura.

Kumenyekanisha

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha