IGIHE Burundi

Amakuru, Poritike, Ubutunzi, Diaspora, Inkino, Muzika & Amasanamu, Ubuhinga bwa none, Akahise......

Accueil > Amakuru > u Burundi > Uburundi buri mu bihugu bibiri bifise amadeni make mu muryango wa Afrika (...)

Uburundi buri mu bihugu bibiri bifise amadeni make mu muryango wa Afrika y’ubuseruko

mercredi 10 Myandagaro 2016, par Egide NDUWIMANA

Icegeranyo c’ishirahamwe riharanira iterambere mpuzamakungu (Society for International Development) co mu mwaka w’2016, cerekana ko amadeni ibihugu bigize Umuryango wa Afrika y’ubuseruko bifise ashobora gushira Akarere mu kaga kajanye n’ibibazo vy’ubutunzi.

Ico cegeranyo cerekana ko ayo madeni ashobora gutera akaga gakomeye, kuko amadeni y’ibihugu vya Kenya, Tanzania na Uganda ageze ku rwego ruteye ubwoba, nk’uko iryo shirahamwe ribivuga.

Kenya yari ifise amadeni angana n’imiriyaridi 14.5 z’amadorare ya Amerika mu mwaka 2014, Tanzania nayo iheranye ayangana n’imiriyaridi 12.5 z’amadorare, nayo Uganda ifise amadeni y’imiriyaridi 6.8.

Icegeranyo ca Banki nkuru y’igihugu ca Tanzania igaragaza ko amadeni Reta y’ico gihugu ifise yageze ku miriyaridi 18.2 z’amadorare muri uwu mwaka, mu gihe aya Kenya yose yageze ku miriyaridi 32 z’amadorare mu mwaka w’2016.

Ico cegeranyo c’ishirahamwe riharanira iterambere mpuzamakungu (Society for International Development) kigaragaza ko ukwiyongera kw’amadeni mu muryango wa Afrika y’ubuseruko kuri hasi mu Burundi no mu Rwanda, mu myaka mike iheze. Muri ivyo bihugu bibiri, igihugu kimwe cose gifise amadeni ari hasi y’imiriyaridi zibiri.


IGIHE

Messages

Un message, un commentaire ?


ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.