Advertisement
Kumenyekanisha
  IGIHE.bi \BB Amakuru \BB u Burundi
Reta yasabwe gufatira ingingo amwe mu mashirahamwe mpuzamakungu
Yanditswe taliki ya 26-07-2016 - isaha 18:42' na IGIHE

Amashirahamwe mpuzamakungu yubahiriza ikiremwa muntu nka Human Rights Watch, FIDH, League Iteka, Amnesty International n’ayandi yagirijwe ko n’umugambwe CNDD FDD ko afise intumbero yo kwifadikanya n’abashatse gutembagaza ubutegetsi mu Burundi. Uwo mugambwe uvuga ko yaba ayo mashirahamwe canke Zeid Ra’ad Al Hussein ajejwe agateka ka zina muntu mw’ishirahamwe mpuzamakungu ONU, bose bafise umugambi umwe. Muri uwo mugambwe basaba Reta ko yofatira ingingo ayo mashirahamwe.

Umugambwe CNDD-FDD uvuga kandi ko umukuru w’igihugu c’Urwanda Paul Kagame afitiye ideni rinini Abanyagihugu b’Uburundi n’igihugu cabo, ku mpamvu z’uko yagirizwa n’uwo mugambwe ko afise uruhara runini mu mabi yose yagiye araba mu Burundi mu bihe bitandukanye.

Itangazo CNDD FDD yasohoye kuri uwu wa kabiri ryagiriza kandi umugambwe FPR-Inkotanyi uri ku butegetsi mu Rwanda ko ariwo wagandaguye Umukuru w’Igihugu c’Uburundi Nyenicubahiro Ntaryamira Cyprien, hamwe n’Abashikiranganji babiri aribo Simbizi Cyriaque na Ciza Bernard.

Iryo tangazo ry’umugambwe CND FDD rigizwe n’ingingo indwi, rikaba rivuga riti :

1. Duhereye ku mashirahamwe yitwa ko yubahiriza ikiremwa muntu nka za Human Rights Watch, za FIDH, League Iteka, Amnesty International n’ayandi…gushika ku muyobozi Mukuru wabo Zeid Ra’ad Al Hussein, biraboneka ko intumbero bafise kandi bagaragaje kuva mu mwaka w’2014 ari iyo kwifatanya n’abashatse gutembagaza inzego zitorewe n’abenegihugu. Aho izo nkorabara zidashoboye gushika, ayo mashirahamwe arahazibera kuko n’ubundi barasangiye umugambi. Ariko, n’ubwo biri uko hariho Abanyecubahiro kw’Isi bashima aho Reta y’Uburundi igejeje ibikorwa mu kugarukana amahoro n’umutekano, mu gutsimbataza demokarasi no mu kurondera ineza y’Abenegihugu biciye mu biganiro bitandukanye ;

2. Igihe Uburundi bwariko burahimbaza ibirori vy’imyaka 54 bumaze bwikukiye, ntibwatamvye bwirorera, bukaba bukenguruka abo Banyecubahiro bose n’abenegihugu babo babufashe mu mugongo kuri uwo munsi udasanzwe. Budakeye na kabiri, Ibihugu vy’ibihangange nka Amerika, Uburusiya, Ubushinwa, Ubuhindi, Ubuswisi, n’ibindi nabo nyene barashimye bashimagiza uwo munsi wo kwibuka ukwikukira ku ncuro ya 54, kandi bagasaba ko Uburundi bwobandanya butera imbere nk’umuzinga ;

3. Nyenubweranda Papa François arongoye Ekereziya Gatorika kw’Isi yose nawe nyene ntiyatanzwe aho yashimiye Uburundi kuri uwo munsi mukuru, akanabwipfuriza imigisha y’Imana mu gutera imbere mu nzira nziza Reta irimwo n’indongonzi zayo, akaba yaripfurije Umukuru w’Igihugu Nyenicubahiro Petero Nkurunziza kubandanya ugutsimbataza amahoro, uguteza imbere igihugu no kunywanisha Abarundi ku neza ya bose... Umugambwe CNDD-FDD urakenguruka ayo majambo yerekanye neza ko ata ngorane zihari hagati ya Ekereziya Gatorika na Reta y’Uburundi. Nyenubweranda Papa François yarakebuye rero zimwe zimwe mu ntama ziwe zama zirondera kwivanga mu buzima bw’Umugambwe CNDD-FDD bikaziviramwo kuvuga ayo zitovuze be no mu gufata ingingo zitofashwe ;

JPEG - 222.4 ko
Daniel Gelase NDABIRABE, umuvugizi w’umugambwe CNDD FDD

4. Kuva kw’igenekerezo rya 10 gushika ku rya 18 Mukakaro 2016 harabaye mu gihugu c’Urwanda inama y’Ibihugu vy’Ubumwe bwa Afrika yarangije ibikorwa vyayo, Abakuru b’Ibihugu bari bitavye iyo nama bafashe ingingo zitari nke harimwo n’iyerekeye Uburundi hisunzwe ivyari vyavuye mu nama ya kabiri y’i Arusha yahuza Abarundi ku magenekerezo ya 12-14 Mukakaro 2016. N’aho Umukuru w’Igihugu c’Urwanda cari cakiriye iyo nama yari yipfuje guteza ingabo mvamakungu Igihugu c’Uburundi kugira ngo zimukorere we ivyamunaniye, kugira abonereho kuzihekako, nticabujije ko Banyenicubahiro batandukanye basanzwe bakunda Uburundi bamirira kure ico cipfuzo, bakaba bashize imbere ukwubahiriza Ubwigenge bw’Uburundi , mbere bakanamenyesha ko ibibazo bihari vyotorerwa umuti n’Abarundi ubwabo kanatsinda barazi ko ibihugu vyose bifise ingorane zavyo. Umugambwe CNDD-FDD ukaba ukengurutse iyo ngingo yafashwe ariko ukaba utokwibagira kwibutsa ko uwo mugabo Paul Kagame afitiye ideni rinini Abenegihugu b’Uburundi n’igihugu cabo ku mpamvu z’uko afise uruhara runini mu mabi yose yagiye araba mu Burundi mu bihe bitandukanye gushika n’aho Umugambwe FPR-Inkotanyi arongoye ugandagura Umukuru w’Igihugu c’Uburundi Nyenicubahiro Ntaryamira Cyprien be n’Abashikiranganji babiri aribo Simbizi Cyriaque na Ciza Bernard ;

5. Uretse n’ivyo, uwo mugabo w’inkorabara Kagame yarahereje inyigisho za gisirikare na poritike be n’ibirwanisho Abarundi bamwe bamwe kuva mu 2005, arabandanya n’inyigisho za diplomasiya zirwanya Uburundi aho yemeza Amakungu ko Reta y’Uburundi n’Umugambwe CNDD-FDD bagiye gukora ihonyabwoko kuva mu 2014 nk’uko nawe yari yararikoze mu gihugu ciwe mu 1994 akaza kuvyegeka ku bandi. Aho hose yarondera ko Uburundi bwoharirwa ivomo ;ntibwongere guhabwa nirwere. Yari yizigiye uwo mugambi ko yawutunganije neza kuko harageze aho avuga ngo umunsi ihonyabwoko ry’abatutsi mu Burundi rizotangura, azoca yinjira kurwanya Uburundi n’Umugambwe CNDD-FDD atawe asavye uruhusha. Birababaje cane kuko nawe yaribagiye ko n’iwe umwotsi ufumba akaba adasiba guta abantu mu nzuzi, abandi nabo bakabaturirira mu mabohero ngo habaye impanuka canke amasanganya y’umuriro kumbe ari umugambi ugayitse wo guhonya abantu. Ntivyumvikana rero ko umuntu nk’uwo ariwe yogira ico ahanura canke yigisha abandi mu gihe hari n’izindi mpfu mu Burundi zimwagira, tutibagiye na zimwe zo muri Kaminuza y’Uburundi zaba ku magenekerezo ya 11-12 Ruheshi 1995 ;

6. Ikibi ntigishobora gutsinda ineza. Ntaho vyakabaye ! N’umurozi yaroze akamara abantu iyo agiye gupfa arasaba ikigongwe Imana nayo ngo imushikane mw’ijuru. Ikinyoma kiranyaruka kuko gica mu nzira ya hafi ( inzira inyaruka cane bita ascenseur mu gifaransa) ariko ukuri kukagenda bukebuke kuko guca mu nzira y’ingazi isanzwe itanyaruka cane, ariko igihe cose ukuri gushitse, ico kinyoma gica comoka. Ayo mashirahamwe yitwa ngo aharanira agateka ka zina muntu, ico gihugu kibanyi c’Urwanda na Louis Michel be n’umuhungu wiwe Charles Michel, Bernard Maingain n’abandi bafatanije na ba Petero Buyoya, ba Margarita Barankitse, ba Pacifique Nininahazwe, Ba Vital Nshimirimana, ba Petero Karaveri Mbonimpa, ba Armel Niyongere n’abandi birigwa birukanga mu Makungu babeshera Uburundi n’Abarundi ngo bagiye gukora ihonyabwoko, bitebe bitebuke ukuri kuri inyuma yabo. Bazokorwa n’isoni igihe abo birigwa babesha bazomenya ko iryo honyabwoko ari nabo barikoze kandi bamwe bamwe mu migambi, abandi mu bikorwa nyezina. Ntituzi ko Imana ishobora kubababarira mu gihe bo nyene batazoba basavye ikigongwe abo babigiriye nakare ngo « ikiboshwe mw’isi no mw’ijuru kiraboshwe », nk’uko ijambo ry’Imana ribivuga ;

7. Umugambwe CNDD-FDD urangije usaba ko Reta yofatira imigambi irashe ayo mashirahamwe yose ata kindi akora uretse kwambika ibara Umugambwe na Reta yawo. Vyari bizwi ko Amashirahamwe nk’ayo adashobora kuronderera inabi Igihugu kanaka gushika n’aho afatanya n’abategura ihonyabwoko. Iyo miryango ikora uko ni iya poritike, ikora ico abanyeporitike bashaka hisunzwe ubutegetsi ubu n’ubu kw’Isi bashatse gutembagaza. Uturorero waja wumva ng ngaho Sadam Hussein wo muri Irak ngo afise ibirwanisho ruhonyanganda ngo nibamwirukeko, ngo ngaho Muammar Khadaffi wo muri Libiya ngo aramaze abantu nibamwice, ngo ngaho Bashar El-Assad ngo ararigise Abenegihugu bo muri Siriya ni bamwirukeko, ngo ngaho Omar El- Bashir muri Sudan arahoneje abantu i Darfour ngo nibamufate bamujane mu munyororo i Lahaye, ngo ngaho muri Kenya abantu barahonye, ngo ngaho muri Repuburika iharanira Demokarasi ya Kongo abantu barahonye, n’ahandi n’ahandi. Bashitse mu Burundi ngo ihonyabwoko riri ku muryango ! Mugabo bashitse mu Rwanda ngo ni mubice, nawe uwatunganije agashira mungiro ihonyabwoko agakezwa no gushimirwa agashimirwa ! Ayo mashirahamwe yofutwa kw’Isi kuko ni ibikoresho vy’abagendera igikenye kw’Isi, badashaka y’uko ibindi bihugu cane cane ivyo muri Afrika bivyura umutwe haba mu butunzi canke muri demokarasi. Ico ni co Umugambwe CNDD-FDD na Reta yawo biriko birazira mu Burundi, kuko birajwe ishinga no guteza imbere Igihugu n’Abanyagihugu na cane cane mu gutsimbataza demokarasi be no kunywanisha Abarundi,vya Bihugu bimwe bimwe vy’Ubumwe bwa Afrika eka no kw’Isi yose bikaba biriko biratahura imvo n’imvano z’ayo mazimwe.

Ivyiyumviro vyanyu

Kagame Araza Kwisuka Muvyuburund Turamutegerej Agahanga, Tuzokamen Ntagire,ng Nizanterahamwe za,havyariman. Uburund Burarinzwe, Kand Burinzwe N,bagabo

2.08.2016 à 19:13
Leonidas

mbe iyo mbwa yama ikuga, urwanda rumugize iki ? yama avuga vya bindi gusa , amacakubiri amugera mumuhogo, yavuze ko naho yosanga abatutsi bagiye mwijuru yopfuma aja mumuriro hakujana nabo ! none arabizi ko adashobora kujana na bera mwijuru ! yagiye yakuga vyo !!!!

31.07.2016 à 10:35
john

basha uyu mutama yaborewe ?amstel z’ino basutsemo kanyanga ?canke ariko arabiraba neza yaborewe tout simplement

28.07.2016 à 18:22
jean

le chien ndabirabe aboient la caravane passe

28.07.2016 à 17:35
jean

Ni mukomeze musakuze, mutange amatangazo acuritse ntabwo bibuza impala gucuranga. Muzakora intare mu jisho muzanira nakaga ndababwiye. Ntabwo muzi abo muvuga abo aribo. Igihe cyo kubarasa kiri hafi. Igihe nikigera muzaraswa nta kabuza. Muzakubitwa ni inkuba mutazi aho iturutse kandi ntawuzashobora kubatabara.

28.07.2016 à 14:51
Nzovu

Hhhhhhhh Ibi ni bigaragaza ko bamwe mu bategetsi buburundi hakirimo abafite imyumvire ya CDR kbsa nubuswa muri diplomacy. Niyo mpamvu mbona leta y’u Rwanda itata igihe isubiza umutegetsi wandika ibidafite agaciro namahomvu bigaragaza uburwayi bwo mu mutwe.Abarundi mukore muve mumahomvu namatiku. Mwe ntibatera isoni kubona igihugu mwari kumurongo umwe wubukungu kibasiga Mwene kano kageni ?

28.07.2016 à 13:27
Broud to be rwandan

inzara iraryana rwose
mwebwe mukomeze muvuze induru muhume amaso abaturage ntakindi
FPR inkotanyi urayizi ? uzaze ubaze amateka ya FPR
ntaryamira yazize lift ntawutabizi dear kandi ntaruta million irenga yinzira karengane yishwe ! nkubaze wowe utanga izo discour zitagira sens umwami wu Rwanda rudahirwa yiciwe hehe ? iyo nduru muzayivuza paka muhumutse u Rwanda rwarabasize muri byose byose
umunsi mwabonye HE PK atangiye kwihisha nasohoke mugihugu akamara 2ans Ari WO muzavuga , ubungubu ntabuvugiro mufite nabantu bagikomeje kwicwa gusa turahoza umuryango wa afsa Mossi bakomeze kwihangana tutibagiye nabandi benshi bazize politic harimwo Adolphe, bikomagu , Darius , nuwahawe uburozi ariwe bihozagara jaque Imana ikomeze kubaha iruhuko ridashira.

28.07.2016 à 11:46
turaje

Abarundi muzajya mubura gukora mwirirwe mu matiku icyo gihugu cyanyu ntigiteze kuzanzamuka mukiyobowe nabantu bameze nka CD-R u Rwanda ruri kwiruka mu iterambere mwe mukiri muri antiquite mu myumvire.

28.07.2016 à 11:18
Proud to be Rwandan

uyu mugabo arwaye mu mutwe.indera mu rwanda hariyo abaganga bomuvura mumujaneyo

28.07.2016 à 09:36
jean

Usomye iyi discour ugasoma na commentaires uhita ubona ko igihugu cu Burundi cuzuye interahamwe,niyo mpanvu uburundi bugiye kuvumwa n’Imana kuko aho zigiye zihateza umuvumo,mwibuke Gahini amaze kwica mwenewabo Abel uko Imana yabigenje,urabona ko abategetsi bu Burundi batanguye kurwara mu mumitwe, ni uko bitangira, abari n’amaso ni babone naho abari n’amatwi ni bunve

28.07.2016 à 06:19
bacemwo

KAGAME AZIVAMWO NABANDANYA

27.07.2016 à 20:53
MISAGOMICHERI

@Nana. Kagame nagerageze yambuke akanyaru duce tumuha umuti wo kuribwaribwa. Tuzomwotsa kuri brochette.

27.07.2016 à 19:49
Lili

@ Nana, washaka wovugamake nambaruwomukino ushaka wowo urawurorera bidatevye .

27.07.2016 à 19:25
.

Mubantu basajije abahutu babarundi halimo na lili..reba nkaka kitwa ngo turaje hahaha muraje se mwakoliki kili kagame ntacyo uzase tugusweze nyoko.

27.07.2016 à 15:15
Nana

@turaje. Ibyo uvuga uri umugabo twese duhaguruke twamagane iyo nkoramaraso Kagame.

27.07.2016 à 13:32
Lili

Abayobora uburundi babazane indera mubitaro bya basazi.. ibitanda birahali abaganga babuze akazi...usibye ko nibaza bose batahakwirwa.

27.07.2016 à 12:21
Lili

murabe neza ko atari uburyo bwo guhohotera ikiremwamuntu atacamira gusa ivyo vyose ni inkurikizi mbi zo kwihagira ubutegetsi.gusa nimba uri woba uri sebibondo ntiwoteranya abana wibarutse mukugira nkunzi !kebuka wibaze ukubitize agatima mpembero kuri kazoza k,uburundi !gira amahoro !

27.07.2016 à 12:18
félix

Nababwiye ko abarundi bamaze guta umutwe. Ubu noneho barashaka infishyi yakababaro kubera ntaryamira. Ibyo byose nukubera ubukene bubageze habi....

27.07.2016 à 12:13
Lili

Kagame akwiye kwamaganwa na buri wese akaba igicibwa. Kubera ibara yakoreye abanyarwanda, abakongomani n’abarundi ubanza na shetani itazamwemera mubwami bwayo bw’inkozizikibi.

27.07.2016 à 11:09
turaje

Mugabo ndamushigikiye nuyuyitwa turaje ,Turaje atibihe isigiye kwinjiramwo bitegura intambara ya (3)ivyonukuri !! Impamvu inganururo yarabonetse.muri Africa impamvuyaho nu Burundi Samson yabayimpamvu kumana yokwihora abafirisitiya kukyayubaha,abantubitondere uburundi kuko haricobwishimirije kidasanzwe kanduwuzobwubaha azogirumugisha nanjendaziko ntamuntu azinjira mumbibe zuburundi guterigihugu ngwazasohokamahoro !! Murabe ukwishirahamwe kwibihugu bikomeye nogusambuka kwavyo !! Ntaco bibabwira ! Uburusiya-ubushinwa-irani-siriya-ubuhindi-nibihugu vyabarabu bigizumugwi umwe no korea yaruguru nibindi bitariyerekana ahobihagaze bieambiwe America nubutegetsi bwayo.murabe ahamabombe agezibibihugu,Mugabo yavuzeneza,ivyamoko nabadutegeka ntacovyaribimaze icodukeneye namahoro tukibanira neza.ikigoye niko iyisinayo ukwimezuku ntishobora kugiramahoro kukonibihe vyayo vyokurangira.rekandangize mbwirabantu bose bipfuriza inabi uburundi kwikebuka kuko inkoni ikubise mukeba bayirenzurugo-imbereyogutosora uwundinaho uribanza !! Ntamugambi cankinama yokugwanyuburundi izokwigeda ihera bumvikanye kuko IMANA izokwama ibicamwumurongo kandumusibazobana kobibeshe u Burundi buzoba bushizwe hejuru.rekambwire abarundi bitirigwa izina ry Imana bakayizera mushishikare gushima ivyidukorera kuko vyishi buhura nubugombe bwayo bikanyuranya nubwacutwebwe.nitwayihikibanza cambere ducetwiraramira vyose irabikora nkukoyatabaye Yehoshafati .mukomere hubahwe Imana muburundi nincutizabwo numukuru wigihugu petero Nkurunziza nabamufasha bose na Leta yiwe ivyodusengera nkuko tubisabwa nijambo ry Imana dusanga muri Yeremiya 29:7-13 irinitegeko kumuntuwese yitwa kwafise ububasha imbere y Imana bwokuvuga nogusaba icashaka.

27.07.2016 à 09:00
mbazumutima jerome
1 | 2

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.