IGIHE Burundi

Amakuru, Poritike, Ubutunzi, Diaspora, Inkino, Muzika & Amasanamu, Ubuhinga bwa none, Akahise......

Accueil > Kwidagadura > Umuhinyanyuzi > Umukozi wa High Videoz& Icom Pro" yitavye Imana

Umukozi wa High Videoz& Icom Pro" yitavye Imana

jeudi 18 Nyakanga 2014

Ndayizeye Venant yahora akora mu nzu y’umuhinyanyuzi Fleury, yitavye Imana bivuye kw’isanganya ry’ipikipiki. Ni umubabaro mwinshi ku muryango wiwe, abagenzi nabo bahora bakorana.

JPEG - 20.6 ko
Ndayizeye Venant yitavye Imana

Umuhinyanyuzi Fleury akorera mu nzu y’ubuhinyanyuzi "High Videoz& Icom Pro" iri mu Nyakabiga, yaguye mu gahundwe yumvise ko umukozi wiwe Ndayizeye Venant ahejeje kwitaba Imana. Ndayizeye yari yagiye mu gikorwa co gufata amasanamu y’ubugeni mu Rumonge, ariho agitangura akazi kari kamuzindukanye, uwariko utwara ku pikipiki yasetse imodoka iri mu bwoko bwa Fuso, umudereva aca apfira aho nyene, Venant nawe apfira kwa muganga. Icuma gishasha yariko afatisha ayo masanamu "Camera"caheruka kugurwa imiriyoni 6 z’amarundi ntaco cabaye.

Fleury Pro ati:" Twabuze umukozi w’inkerebutsi, yakora akazi kiwe neza kandi yakorana ishaka nk’uko yarakiri muto. Imana imwakire ntaco twari bwa pfe, mbojeje kandi n’umuryango wiwe".

JPEG - 19.6 ko
Ndayizeye ari mu kazi kiwe

Ndayizeye Venant yapfuye afise imyaka 24, yari yiga mw’ishuri kaminuza nderabigisha ENS mu mwaka wa mbere. Muri "High Videoz& Icom Pro", yafashanya n’uwuriko afata amasanamu mu kuraba ko amatara canke umuco uriko urakoreshwa ukwiye canke urenze. Yarazwi kw’izina rya Ndayi, azwi cane mu masanamu y’abaririmvyi nka David wo muri Life Center, isanamu ’umuririmvyi B Face n’iz’umuririmvyikazi Florence Ngaruko aba muri Australiya. Yakora n’ivyo gufata amasanamu ku minsi mikuru itandukanye. Yavuka mu ntara ya Bururi muri komine Mugamba.

JPEG - 74.2 ko
Bamutwaye ikiziga ku Mpanda

Cherif Nkeshimana

Messages

Un message, un commentaire ?


ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.