Youtube : Uburyo umuntu ashobora kuronka umuziki

Umuhora ngurukanabumenyi « Youtube »ufashijwe na Google,uzotangura uno mwaka igikorwa c’umuziki wo kwumviriza muri streaming.

Ivyo navyo bikaba bitazoca mu kwirungikira mu buryo busanzwe bukorwa « téléchargement » kuko vyohava bituma abandi babitanga kwagusa nka Spotify, ariko bivanye n’ukungene umuntu ashaka kuzironka. N’ivyatangajwe kuri uyu wa kabiri igenekerezo rya 5 Ntwarante 2013 n’ikinyamakuru c’abanyamerika « Fortune ».
Kubw’ico kinyamakuru « Fortune »,kuriha ku kwezi bizotuma umurongo wa « youtube » urushirizaho gukora vyinshi.

«Ntidufise ico tuvuga kubivugwa canke kuvyibazwa, ariko abatanguje ibizokorerwamwo biyumvira ko bazoshobora kuronka akarusho bakoresheje uburyo bw’amahera bariha ku kwezi ku kwezi,inyuma yokumenyekanisha ivyo bakora ,ari naco gituma tubiraba».Ivyo n’ivyavuzwe n’umuvugiziwa YouTube.

Umurongo wa « YouTube »urakoreshwa cane n’abakoresha kenshi ingurukanabumenyi kugira bashobore kubona imiziki babonesha amasanamu (clip y’umuziki yamenyekanye cane mu 2012 y’umudiho wa Gangnam yarabwe incuro zirenga umuriyaridi).

Ayo ma video yiyo miziki yerekanwa ku buntu,ariko umurongo wa YouTube urabashigikira mu kumenyekanisha iyo miziki ikagabanya ko igice c’uburyo kija ahantu hagenewe ivy’umuziki « maisons de disques ».

Igisata c’umuziki kiguma kija mu murongo wo guhiganirwa hamwe nabajejwe Spotify,Deezer canke Pandora. Inkuru zarakwiragiye kenshi kuvyerekeranye n’umuzo w’uwo murongo ngurukanabumenyi.