Accueil > Kwidagadura > umucuraranzi > Ababanyi ba Justin Bieber baramwidogera cane
Ababanyi ba Justin Bieber baramwidogera cane
lundi 3 Ruheshi 2013
Ababanyi b’umuririmvyi Justin Bieber bariyamiriza inyifato y’uwo muririmvyi mu kibano.
Abo babana muri karitiye bakeka ko ivyo akora abikora ku gatwe kiwe kandi ko abangamye.
Umubanyi umwe aridogera urwamo ruterwa n’uwo muririmvyi akongera kandi akanegura inyifato yiwe n’ukurenza urugero mu gutwara imodoka muri karitiye ahasanzwe hakinira n’abana benshi.
Kubwa Sun, ,mu kugira bamuhumuze, abo babanyi bamenyesheje abarongozi b’akarere ko boza baramuca ihadabu y’amadorare 1000 buri kwezi gushika ahinduye iyo nyifato itabereye abaririmvyi.
Imisi itari mike iraheze abo babanyi bamuhanura ko yokwisubirako,
Justin yagiye kwisanga adahuza n’abantu bakomakomeye, ko kandi adahinduye inyifato ashobora guharirwa ivomo n’ababanyi biwe bose.
Prosper Ndayikeza
