Accueil > Amakuru > Muri Afrika > Abanye Congo bahungiye ingwano muri Uganda
Abanye Congo bahungiye ingwano muri Uganda
dimanche 14 Mukakaro 2013
Ishami ry’umuryango mpuzamakungu rijewe impunzi, HCR, rivuga ko abantu barenga ibihumbi 30 bamaze guhungira muri Uganda bahunga ingwano ziriko zibera mu gihugu ca Congo.
Izo ngwano zadutse mu karere ka Kamango kari ku rubibe hagati ya Uganda na Congo, hagati y’abasirikare ba Leta ya Congo n’abarwanyi b’umuhari ADL Nalu urwanya Leta ya Uganda, ufise icicaro mu buseruko bwa Congo.
Amakuru ava ku rubibe amenyesha ko impunzi nyinshi ata vyo gufungura zifise canke aho kuryama, ivyo bikaba biri uko mu gihe amashirahamwe y’abagira neza ataratangura gutanga imfashanyo.
Ariko rero, gushika ubu, abasirikare ba Leta ya Congo baramaze kugarukana akarere ka Kamango.
Egide Nduwimana
