Abarwana kw’izina ry’idini bageramiye Afrika yose

Umukuru w’igihugu ca Ghana John Dramani Mahama aragabisha avuga ko ugukomantaza ivyiyumviro bishingiye kw’idini rya Islam bishobora guhungabanya Africa y’Uburengero yose.

Mahama yavuze ko naho Ghana itarashikirwa ubwayo, ata gihugu na kimwe kitageramiwe hamwe intagondwa zobandanya gukomera mu bindi bihugu.
Yavuze ko igikorwa c’abasoda b’Ubufaransa muri Mali cafashije kugarukana ireme muri ico gihugu ariko intambara n’ubu itarahera.

Yanashigikiye iciyumviro co gushinga inteko za Africa zo kwama zigavye kugira zifashe bikenewe. Mahama yavuze ko hari iciyumviro c’uko izo ngabo zokoresha uburyo bwova mu makori yovanwa ku ngendo z’indege hamwe no ku mahoteli ku mugabane wose wa Africa.

Umukuru w’igihugu ca Ghana aheraheza amenyesha ko Afrika yose yomera magabo kuko imirwi nk’iyo atawumenya iyo ije iva, akavuga ko ari mu ntumbero yo kuzitira batoronerwa kuko aho iyo mirwi y’intagondwa yaciye yatikije inganda