Accueil > Amakuru > Mu makungu > Amerika yiyemeje gukingira Korea yo mu bumanuko
Amerika yiyemeje gukingira Korea yo mu bumanuko
mardi 26 Ntwarante 2013
Abategetsi ba gisirikare, batangaje ko Leta zunze ubumwe za Amerika hamwe n’igihugu ca Korea yo mu bumanuko, bateye igikumu ku masezerano.
Ayo masezerano aha abasirikare b’abanyamerika uruhara rukomeye rwo gukingira igihugu ca Korea yo mu bumanuko mu gihe igihugu ca Korea ya ruguru cogitera.
Ayo masezerano yateweko igikumu ku musi wa gatanu hagati y’umukuru w’intwaramiheto w’igihugu ca Korea yo mu bumanuko, General Jung Seun-jo hamwe n’umusirikare w’intwazangabo mu basirikare ba amerika bari mu gihugu ca Korea yo mu bumanuko, General James Thurman.
Muri ayo masezerano, abasirikare ba Leta zunze ubumwe za Amerika bazoshobora gufasha abasirikare b’igihugu ca Korea y’epfo, mu bitero vyo kwihora ku gasotoro akariko kose, gakozwe n’igihugu ca Korea ya ruguru.
Imbere y’ayo masezerano, abasirikare b’igihugu ca Korea yo mu bumanuko, nibo begwa n’ibikorwa vyose vya gisirikare mu gihugu ca Korea ya ruguru, mu gihe abasirikare ba Leta zunze ubumwe za Amerika bazofasha ingwano ikomeye yadutse.
Egide Nduwimana
