Bujumbura : Haribonekeza ubukene bw’isima

Ubukene bw’isima buribonekeza mu gisagara ca Bujumbura, haraheze iminsi itari mike. Ku va mu kwezi kwa Ntwarante, igiciro c’isima caraduze, nk’uko bamwe mu badandaza babivuga.

Uretse kubura, n’iyibonetse irazimvye. Mw’isoko benshi bita kwa Siyoni, umufuko ubonetse w’iyikorerwa mu Burundi igurwa amafaranga hagati y’ibihumbi 28500 canke ibihumbi 29000 mu gihe mu kwezi kwa Ntwarante, iyo sima yagurwa amafaranga ibihumbi 24000 gusa. Ku badandaza batobato bayidandaza ku kiro, igeze ku mafaranga 500 canke 600. Mukamenya ko mu nomu makaritiye yari asanzwe agurishwamwo cane isima nka Buyenzi atayiboneka. Abo badandaza bakavuga ko ukwezi guheze atasima baronka.

Mw’ishirahamwe Buceco bavuga ko ubukene bw’isima buriko buterwa n’ikena ry’umuyagankuba, ariko bakavuga ko igiciro ari amafaranga ibihumbi 25500. Muri iryo shirahamwe bakaba bagabisha uwo wese ariko aradandaza isima ku giciro yishingiye ko ibihano biriho, bitegekanijwe.