Accueil > Kwidagadura > Abacuraranzi > Bujumbura: Umunsi mukuru w’umuziki
Bujumbura: Umunsi mukuru w’umuziki
lundi 24 Ruheshi 2013
Umunsi mpuzamakungu wahariwe umuziki uhimbazwa igenekerezo rya 21 Ruhenshi uko umwaka utashe wahimbajwe kuri uyu w’Imana igenekerezo rya 23 Ruhenshi i Bujumbura mu kibanza ca Jardin Public.
- Umurwi w’Abaragwakaranga
Abakunzi b’umuziki bari basidukanye niyonka ku muhingamo w’uyu munsi w’Imana twaraye turangije. Abakunzi bari bavuye mu mihingo itandukanye y’igisagara ca Bujumbura bari bahuriye muri Komine Rohero. Abaririmvyi benshi, ubamaze kumenyekana n’abataramenyekana gose bararonse akaryo ko guca imbere y’igihugu c’abantu baraho. Icibonekeje nuko mwaka, abaririmvye bose bashoboye kuririmba, baririmba ku muziki bariko baracuraranga ubwo nyene( “musique live”).
- Joseph TOROBEKA
Imidiho itandukanye yaravugijwe mu ntumbero yo kwigina uwo munsi mpuza makungu w’umuziki. eka n’umuziki kavukire ntiwibagiwe. Abantu bari bitavye ico giteramo twaganiriye bati: ”sonorisation yari nziza ariko abaririmvyi bazi umuziki cane babashize inyuma mu mpera y’igiteramo amasaha yitereye”. Kukaba nkako abarirmvyi nka Peace& Love, Bobona, Moutcho nabandi bamaze gutera intambwe mu muziki bashikiriwe mu mpera zico giteramo.
- Umurwi wa Peace and Love
Ikigo c’abafaransa c’i Bujumbura catunganije ico giteramo c’uguhimbaza uwo munsi ukuru wahariwe umuziki, giserukiwe n’uwukirongoye yarashimye uko ico giteramo cagenze. Kuri uyo munsi hari hateguwe aburyo bwo kwunguruza ku buntu abantu bitavye ico giteramo. Uyo munsi mukuru ukaba watanguye guhimbazwa mu gihugu c’Ubufaransa mu mwaka w’1981.
![](local/cache-vignettes/L448xH336/people-3-3a8a3.jpg?1517335969)
Luc-Noel INGABIRE