Accueil > Ubutunzi > Iterambere > Doing business 2014: Uburundi bwarateye intambwe ishimishije
Doing business 2014: Uburundi bwarateye intambwe ishimishije
mercredi 15 Rusama 2013
Mu mubonano wo gushira ahabona icegeranyo ca “Doing business ” umwaka w’2014, icegera ca kabiri c’umukuru w’igihugu Gervais Rufyikiri yamenyesheje gushiraho ikibanza gishobora kuronderwamwo ibikenewe vyose(guichet unique) irico kintu c’ifatiro mu biri muri ico cegeranyo.
Kubwa Gervais Rufyikiri, vyatumye igihugu cunguka ibibanza birenga mirongo ibiri mu bihugu vyorohereza abanyamitahe n’abarwizatunga. Ubu Uburundi bukaba buharurwa mu bihugu cumi vya mbere muri Africa vyorohereza abanyamitahe.
Abari batumiwe muri uwo mubonano barashimye iyo ntambwe igihugu cateye, naho hakiri ivyokosorwa muvya politike, intwaro ibereye, ubutungane kuko nivyo biri muvyo abatanga ibibanza bakorerako.
Icegera ca kabiri c’umukuru w’igihugu Gervais Rufyikiri yamenyesheje ko igihugu kiriko kirakora ibishoboka vyose kugira utwo tunenge dutosorwe.
Egide Nduwimana
