Fariouz agiye gusubira kurenga imbibe

Fariouz ariko yitegurira gufata urugendo rumushikana mu gihugu ca Afrika y’epfo mu giteramo c’agakura kigiye kuzoba inyuma y’iminsi mikeyi.

Kiyoyo Juma na Fariouz

Umuhinyanyzi Kiyoyo Juma asanzwe ategura ibiteramo vyo mu makungu vya Fariouz, atubwira ko muri ico giteramo bitegekanijwe ko Fariouz azoba ari wenyene. Kiyoyo Juma avuga ko hari abandi baririmvyi b’Abarundi basanzwe baba muri Afrika y’epfo basavye ko boronswa akanya ko kuririmba bakifadikanya na Fariouz muri ico giteramo, abo nabo ntibaramenyekana.

Igiteramo kizobera i Cape Town kuva igihe c’isaha zibiri z’ijoro ku masaha yo muri co gisagara, mu nzu y’ibiteramo Maitlant Hall.

Narirya hari Abarundi benshi bari muri ico gihugu, ico giteramo c’umurundi mwenewabo kizobaruhura. Tubibutse ko Fariouz yaramaze igihe ariko aserukira ishirahamwe BRARUDI mw’ihiganwa rya Primusic.