FBI yerekanye amafoto y’abateye i Benghazi

FBI imenyesha ko abantu batatu yatanze amafoto boshobora gutanga amakuru y’ivyabaye mu gitero c’i Benghazi, ariko ntiyemeza ko ibakeka.

Ku genekerezo rya 11 z’ukwezi kwa Nyakanga, igitero cakozwe i Benghazi cahitanye uwuserukira Leta Zunze Ubumwe za Amerika muri Libya, Chris Stevens n’abandi banyamerika batatu.

Aba Republicains mu nama nshingamateka bakomeza kubaza ubutegetsi bwa Leta ya Obama ku bijanye n’ingingo z’umutekano zariho imbere y’ico gitero.
FBI ubu iriko isaba abanyalibiya n’abandi hirya no hino kw’isi ivyo boba bazi kuri ico gitero, nk’uko biri mw’itangazo basohoye mu congereza no mu carabu.