Icegera ca mbere c’umukuru w’igihugu yarakiriye uwuserukira Nigeria

Icegera ca mbere c’umukuru w’igihugu Therence Sinunguruza, yarakiriye mu biro iwe uwugiye guserukira igihugu ca Nigeria Odi O Nwosu.

Nkuko umuvugizi w’icegera ca mbere c’umukuru w’igihugu yabimenyesheje inyuma y’uwo mubonano wabaye kuri uno wa kabiri igenekerezo rya 22 Nzero 2013,ngo muri uwo mubonano baraganiriye ibijanye no gukomeza ubucuti hagati y’u Burundi na Nigeria na cane cane mu bijanye n’ubutunzi n’amasoko ntanganguvu.

Mu gihe rero uwo aserukira igihugu ca Nigeria m’u Burundi asanzwe yarakoreye mugisata co kuzana imitahe,yamenyesheje ko agiye gufasha mu guhamagarira abanyamitahe bo muri Nijeriya ngo bazane imitahe yabo mu gisata c’amasoko ntanganguvu.

Uwuserukira igihugu ca Nigeria yaciye amenyesha ko yasubiye gutanguza amasezerano yo kuzana igitoro m’u Burundi kivuye mu gihugu ca Nigeria.