Karaoke ni ngirakamaro ku bunywero bwinshi bw’i Bujumbura

Mu nyuma yaho amasaha ya Karaoke agabanuriwe, twaragendeye ubunwero karaoke zahora ziberamwo kugira birabire ingene ubu bvyifatamwo ku masaha make barekuriwe.

Ubunywero twashoboye kugendera ni ahitwa “Bar Hout Plame du lac Tanganyika” bakunda gutazira “Ku mase” hamwe muhahora hahurira abantu benshi baje bava mu mihingo itandukanye, baje kwiryohera mu migoroba no mu mpera y’indwi.

Nk’uko nyene ubwo bunywero yabitubwiye, mbere n’uko natwe twabibonye, ubu basigaye batangura kare kw’isaha y’icumi z’umugoroba kuko mw’ijoro baca bugara.

Yabandanije avuga ko kuba ubwo bunywero buri hafi y’ikiyaga ca Tanganyika haboneka ibintu vyose, atarivyo vyonyene bimwongereza abakiriya kuko ku bwiwe abona abenshi bakurikirana umuziki mwiza uba uhavugirizwa, intambo zitandukanye haba abasore n’abakobwa n’bindi vyinshi vyo kumara abakiriya irungu.

Nk’uko n’amakuru ava hirya no hino ahabera ama karaoke avuga, nta cahindutse muri rusangi kuko aritabirwa nk’íbisanzwe ahubwo babona vyose ntacahindutse cane.
Kubwo abitabira ico gikorwa, bo bavuga ko babona ko bitababaje cane kuko vyabahaye akaryo ko kuza barajana n’abana babo kuko ubwa mbere batinya ko amasaha yo guheraheza atemera ko abana baba batarasinzira kandi naho gusiga ibirori bitarahera bikabagora.