Kenya : Al-Shabaab yagabishije gusubira gutera i Nairobi

Umwe mu bakuru b’abarwanyi ba Al-Shabaab, Fouad Mohamed Khalaf yamenyesheje ko biteguriye gusubira gutera i Nairobi, ku murwa mukuru w’igihugu ca Kenya.

Inyuma y’igitero c’abarwanyi b’bihevyi ba AL Shabaab cakorewe ku nyubakwa y’ubudandaji "Westgate" i Nairobi ku genekerezo rya 21 Nyakanga 2013, umwe mu bakuru ba Al Shabaab, Fouad Mohamed Khalaf yavuze, abicishije ku muhora ngurukanabumenyi, ko n’ubu bashaka kuzosubira gutera i Nairobi, kuko ariho berekeje ibitero vyabo barwanyi bo mu murwi w’iterambwoba.

Yagabishije abanyagihugu bo muri Kenya ko bokwitegurira ibitero, vyaba ivy’uguturitsa ibisasu mu bibanza bikoraniramwo abantu benshi, canke ingwano z’ibitero hagati y’abo bihevyi n’abajejwe umutekano.