Accueil > Amakuru > Muri Afrika > Kenya : Ikibuga c’indege cugawe inyuma yo guterwa n’impanuka y’umuriro
Kenya : Ikibuga c’indege cugawe inyuma yo guterwa n’impanuka y’umuriro
mercredi 7 Myandagaro 2013
Ikibuga c’indege mpuzamakungu co mu gihugu ca Kenya, Jomo Kenyatta International Airport cugawe inyuma n’impanuka y’umuriro watumye inyubakwa zisha.
Amasanamu yabonetse ku rubuga ngurukanabumenyi rwa Twitter yerekanye umwotsi n’imiriro biduga hejuru y’imwe mu nyubakwa zikomeye kuri ico kibuga. Imana yarakinze nta muntu yahapfiriye kandi n’icayiteye ntikiramenyekana.
Umwe mu bayobozi bashinzwe ico kibuga yagize ati “Turemeza ko uwo muriro wagaragaye ku nzu imwe ingenzi z’abanyamahanga bavuye hanze y’igihugu zakirirwamwo n’ahaca ingenzi zigiye mu bindi bihugu.”
Mutea Iringo, umuyobozi mukuru mu bushikiranganji bw’ibikorwa vya Leta yemeje ayo makuru avuga iyo mpanuka y’umuriro. Yavuze ati “Umuriro ukomeye wafashe inzu ya JKIA (Jomo Kenyatta International Aeroport). Twakoze ibishoboka vyose kugira dukemure ico kibazo bitarayangara.”
Amasanamu yerekanywe mu nyuma muri kano gatondo yerekanye ico kibuga cugaye, hariko hagendagenda imiduga ikora ibikorwa vyo gutabara gusa.
- Imwe mu nyubakabwa yariko irasha ku kibuga mpuzamakungu Jomo Kenyatta International Aeroport
![](local/cache-vignettes/L512xH288/130807100127_jomo-kenyatta_fire_512x288_bbc_nocredit-8900a.jpg?1517323212)
Egide Nduwimana
Messages
7 Myandagaro 2013, 05:04, par Rudahunga
Ubwo se si igikorwa cy’iterabwoba?