Accueil > Amakuru > Muri Afrika > Kenya : Umunyeshure umwe yitavye Imana abandi 150 barakomereka
Kenya : Umunyeshure umwe yitavye Imana abandi 150 barakomereka
lundi 13 Ndamukiza 2015, par
Inyuma y’indwi zibiri habaye igitero c’abihevyi cahitanye abanyeshure bagera kw’ijana na mirongo ine n’indwi kuri kaminuza y’i Garissa mu gihugu ca Kenya, imitima ntiratekana. Abanyeshure bo kuri Kaminuza y’i Nairobi mu kigo Kikyu bagira nabo baratewe baca basimba bava mu magorofa.
Umunyeshure umwe yaritavye Imana kuri uwu w’Imana, abandi bagera kw’ijana na mirongo itanu barakomereka, bivuye ku kwikeka ko batewe n’abihevyi. Intango ya vyose ni urukamba rutwara umuyagankuba (câble électrique) rwaturitse, mu gatondo ko kuri uwu w’Imana, nk’igihe c’isaha cumi n’imwe n’iminota mirongo itatu. Abanyeshure bari bakiryamye biyumviriye ko batewe baca batangura gucanacanako bahunga, bamwe baca mu madirisha, basima bava mu magorofa, kugira banyage amagara.
![](local/cache-vignettes/L672xH380/univ-267c5.jpg?1551534102)
Muri abo basimvye, benshi muribo bari bakinasinziriye, bakoroka bava mu magorofa yo hejuru, gushika kuya gatanu. Mu gusohoka mu buraro bariko baratabaza, abo banyeshure barasunikanye cane, barahonyoranako, ari naco catumye umwe muribo yitaba Imana, abandi bagera kw’ijana na mirongo itanu barakomereka.
Abajejwe umutekano baciye banyarukira guhumuriza abo banyeshure, imiduga ya rusehabaniha nayo ica itangura gutwara kwa muganga abakomeretse, bakaba bariko bavurirwa ku bitaro Kenyatta.
Egide Nduwimana
Messages
14 Ndamukiza 2015, 14:31, par Etienne Loving
Imana Ibakize Kandi Ibabe Hafi.
21 Ndamukiza 2015, 20:51, par Nduwayo Leonidas
Abo Bari Bateye Kur’ubwoburaro Bwabo Banyeshure Bari Abaki?Bavuyehe?