Kenya : Umunyeshure yaguye mu myiyerekano

Mu gihugu ca Kenya, umunyeshure umwe yararashwe n’abaporisi ku munsi w’ejo kuw’Imana, aca arahasiga ubuzima ku murwa mukuru Nairobi. Abo banyeshure bari mu myiyerekano kuri kaminuza.

Igiporisi cakoresheje amasasu nyayo mu gushwiragiza umurwi w’abanyeshure bari mu myiyerekano kubera mugenzi wabo yapfiriye mw’ibohero ry’abaporisi.
Uwo munyeshure yapfiriye mw’ibohero ry’igiporisi yari yapfunzwe yagirizwa kwiba ikibazo.

Mu giporisi bamenyesha ko uwo munyeshure yiyahuye, ariko abari mu myiyerekano ntibemera iyo mvugo, bakavuga ko uwo munyeshure ashobora kuba yarakubiswe gushika agacikana.

Abanyeshure bo kuri kaminuza ya Nairobi, baciye batera ibiro vy’igiporisi, bazibira amabarabara, bongera banamenagura imiduga.