Ku myaka 13 afise uburebure bungana n’imetero 2,26

Ku myaka 13, Robert Bobrocszky apima imetero 2,26. Uwo mwana aronderwa n’imirwi itari mike y’umupira w’amaboko Basketball, akaba aherutse kugirana amasezerano n’umurwi Stella Azzura w’i Roma.

Robert Bobrocszky avuka i Roma mu gihugu c’Ubutaliyano, apima imetero 2,26 z’uburebure. Izo metero ziyongereye inyuma y’umwaka, aho basanze yongeyeko isantimetero 10 mu mwaka umwe. Kw’igenekerezo rya 17 Mukakaro, uwo mwana azoba akwije imyaka 14.

Robert Bobrocszky ariko aronderwa n’imirwi itari mike haba iy’i Buraya no muri Amerika. Naho biri uko, aherutse kugirirana amasezerano n’umurwi w’umupira w’amaboko Basketball wa Stella Azzura w’i Roma.

Uwo mwana ashobora kuzosumvya uburebure Gheorghe Muresan yahoze akina muri Amerika, uwo nawe akaba yapima imetero 2,31. Nawe nyene yavuka aho mu gisagara c’i Roma mu Butaliyano.

Raba aha munsi isanamu (Video) yerekana Robert Bobrocszky ariko akina Basketball