Kugarukana umwumvikano mu banyepolitike kugirango bitegurire neza amatora

Uwurongoye umugambwe SAHWANYA-FRODEBU akaba n’umukuru w’urunani rwi’imigambwe itavuga rumwe na Leta ihurikiye muri ADC IKIBIRI amenyesha ko bamenyeshejwe inama y’abanyepolitike izobahuza kuva kwigenekerezo rya 11 Ntwarante gushika itariki 13 z’uko kwezi nyene.

Iyo nama izoba igenewe kugarukana umwumvikano mu banyepolitike kugirango bitegurire neza amatora yo mu 2015, nk’uko amakuru ava ku nsamirizi n’imbonesha kure vy’igihugu abivuga.
Abanyepolitike bakiri hanze y’igihugu ngo nabonyene baramenyeshejwe iyo nama.

Leonce Ngendakumana akaba ashimishwa n’uko bamenyeshejwe iyo nama ivyo ngo bikazofasha abanyepolitike kwicara hamwe kugirango barabe ibikenewe mu kwitegurira amatora yo mu 2015.

Tubibutse ko abanyepolitike baribahungiye mu mahanga baherutse gutangaza ko bazotahuka mu gihugu cabo c’amavukiro.