Misiri: Igisirikare catanze amasaha 48

Igisirikare ca Misiri cahaye abanyepolitike amasaha 48 ngo babe batoye umuti ku kibazo kiri mu gihugu, canke igisirikare kibijemwo.

Mu butumwa bwaciye kuri television, umukuru w’igisirikare, General Abdel Fattah al-Sisi, yahamagariye imigambwe yose gukurikiza ico yise ugushaka kw’abanyagihugu.
Amamiriyoni y’abanye Misiri bagiye mw’ibarabara ejo kuwa Mungu basaba umukuru w’igihugu Mohammed Morsi gutanga imihoho, mu gihe amaze umwaka umwe ku butegetsi.

Ivyo vyavuzwe n’igisirikare vyakiriwe neza cane n’abari mu myiyerekano mu kibanza ca Tahrir Square.

Abanyamakuru bari i Cairo avuga ko bisa n’ibidashoboka yuko umukuru w’igihugu yoguma ku butegetsi, mu gihe ibivuzwe n’igisirikare kuri benshi bisa n’ugufata ubutegetsi ku nguvu bitanguye.