Accueil > Amakuru > Mu makungu > Misiri : Morsi arindiriye ikizova mu rubanza rwo kuwa 21 Ndamukiza
Misiri : Morsi arindiriye ikizova mu rubanza rwo kuwa 21 Ndamukiza
jeudi 8 Nzero 2015
Ingingo ya rumwe mu manza zitatu z’uwahoze arongoye igihugu ca Misiri, Mohamed Morsi yitezwe gusomwa kuwa 21 Ndamukiza uno mwaka, akaba yagirizwa kuba yaratumye kwica abariko bagira imyiyerekano akiri ku butegetsi.
Morsi, umukuru w’igihugu wa mbere yari yatowe mu Misiri umwaka umwe n’inusu inyuma y’itembagazwa ry’ubutegetsi bwa Hosni Moubarak, yari yakuwe ku butegetsi ku genekerezo rya 3 Mukakaro umwaka w’2013 n’umukuru w’ingabo w’ico gihe General Abdel Fattah al-sissi, nawe akaba yaciye aja ku butegetsi mu kwezi kwa Rusama 2014 abanje gukuraho abo batavuga rumwe nawe bose.
Mohamed Morsi azocirirwa urubanza co kimwe n’izindi ndongozi zo mu mugambwe wiwe nabo kubera uruhara bagize mu rupfu bagize mw’iyicwa ry’abantu cumi bari mu myiyerekano kuwa 5 Kigarama imbere y’ikirimba c’umukuru w’igihugu. Tubibutse ko muri Kigarama umwaka w’2013, abayoboke ba Morsi babashize ku rutonde rw’imirwi y’iterabwoba, Reta nshasha ikaba yabagiriza kuba aribo batera ibitero bihitana abapolisi n’abasirikare mu gihugu.
Floxella Karire
