Accueil > Amakuru > Utuntu n’utundi > Mu Bufaransa: Umugabo yiyahuye ari imbere y’abanyeshure
Mu Bufaransa: Umugabo yiyahuye ari imbere y’abanyeshure
jeudi 16 Rusama 2013
Mu gihugu c’ubufaransa, igisagara ca Paris, umugabo umwe yiyahuye ari mw’ishure ry’intango, imbere y’abana.
Hari mu masaha ya satanu n’iminota mirongo itatu n’itanu z’umusase aho umugabo umwe w’imyaka igera kuri mirongo itandatu yinjiye mw’isomero ry’intango ryo kwimenyereza ry’i Rochefoucault, riri kw’ibarabara rya Cler i Paris, biboneka mu maso ko ata ngorane n’imwe yari afise.
Uwo mugabo rero yarasanzwe ata mirimo afise kuri iryo somero, yiyahuye akoresheje inkoho imbere y’umusaza umwe n’abana bagera kw’icumi bariko bagenda berekeza mu buriro. Abo bana baciye bagerageza kwitabwaho vyihuta, bongera kandi basuzuma amagara y’abasaza basanzwe bigisha kuri iryo somero hamwe n’abavyeyi bari baje gutora abana babo aho nyene.
Umuyobozi mukuru, ari nawe yari yahishikiye, yamenyesheje ko bagiye gutangura amatohoza.
Prosper Ndayikeza
