Accueil > Amagara y’abantu > Ngozi : Abanyagihugu barabangamiwe na marariya
Ngozi : Abanyagihugu barabangamiwe na marariya
samedi 9 Munyonyo 2013
Indwara ya marariya irabangamiye abanyagihugu bo mu ntara ya Ngozi ku buryo hatagize igikorwa igiye gufatwa nk’ikiza muri iyo ntara. Amavuriro amenyesha ko arengerwa n’abantu bayitura ku bwinshi.
Abanyagihugu baharurwa mu bihumbi bine ku ndwi nibo bitura amavuriro ari mu ntara ya Ngozi kuva mu kwezi kwa Nyakanga uwu mwaka turimwo. Abajewe ubuvuzi muri iyo ntara ya Ngozi bamenyesha ko vyoba biva ku misegetera irimwo imiti yica imibu abo banyagihugu boba badafise, abayifise nabo ugasanga ntibazi neza kuyikoresha, canke ugasanga ata miti yica imibu ikirimwo.
Eliya Bizindavyi arongoye intara y’ubuvuzi ya Ngozi amenyesha iyo ngwara ya Marariya yoba iriko iterwa n’imisegetera isigaye ari mike mu banyagihugu, kuko baheruka kuyironswa mu mwaka w’2009.
Uwo arongoye intara y’ubuvuzi ya Ngozi amenyesha ko bariko barakora urusansuma kugira bamenye abanyagihugu bakeneye iyo misegetera, kugira mu ntango mu ntango z’umwaka w’2014 bazoshobore kuyironsa abo banyagihugu.
Mwomenya ko ahabangamiwe cane ari mu makomine ya Kiremba na Buye
Egide Nduwimana
Messages
9 Munyonyo 2013, 11:35, par Smill
Ahaaaaa ese reta ikora iki kuki reta idafasha abanyagihugu ese ubu bazavuga ngo babimye amajwi batitaho abaturage