ONU: Ubwicanyi i Darfur bubangamiye ubutabazi

Umuryango mpuzamakungu ONU muri Sudani uvuga ko iyicwa ry’abantu mirongo itanu ejo mu buraruko bwa Darfur ribangamiye ibikorwa vy’ubutabazi.

ONU ivuga ko kuronsa imfashanyo ibihumbi vy’abantu bahunga imirwano yasubiye kwaduka, bigiye gusumbira kugorana.

Damian Range ari mu bajejwe gutunganya ibikorwa vy’ubutabazi vya ONU yavuze ko imiduga itwaye imfashanyo yabujijwe kwinjira mu muji wa El Sireaf, watewe bimwe bikomeye n’abarwanyi b’Abarabu.

Abantu baharurirwa mu bihumbi ijana nibo bamaze guhunga intara y’uburaruko bwa Darfur kuva mu ntango z’ukwezi kwa mbere igihe imirwano yaduka.

Iyo mirwano yatewe no gupfa uburenganzira bwo kwimba ubutare hagati y’imigwi y’Abarabu.