Turkiya : Abashingamateka bahavuye bahana amakofe inyuma y’iyemezwa ry’itegeko

Mu gihugu ca Turkiya, abashingamateka bahanye amakofe mu ngoro y’amakoraniro, mu gihe hemezwa integuro y’itegeko batahurizako ari benshi.

Iryo tegeko ryabaye imbarutso yo guhana ingumu n’amakofe aho mu nama nshingamateka y’igihugu ca Turkiya, ikaba yari yerekeye guha ububasha bwinshi Reta, gushiraho abacamanza. Umwe mu bashingamateka atavuga rumwe na Reta, yakomeretse ku zuru, ava amaraso menshi, mu gihe uwundi nawe avuga rumwe na Reta, yakomeretse urutoke, ndetse rukaba rwanavunitse. Iyo nteguro y’itegeko, ikaba yatowe inyuma y’amasaha 20 hari impari zidasanzwe.

Abatavuga rumwe na Reta bavuga ko iryo tegeko rije gukingira abanyuruza amatunga ya Reta, mu gihe amatohoza ku barya ibiturire ashobora kuzingamikwa n’abo bacamanza baje kubakingira ikibaba, mu guhengamira kubabashizeho.

Umushikiranganji wa mbere wa Turkiya Recep Tayyip Erdogan yagirizwa kuba ari inyuma y’iryo tegeko, amenyesha ko abamurwanya muri poritike aribo bariko baratera akajagari ku bijanye n’iryo tegeko.