Twikingire indwara y’igituntu

Umushikiranganji w’amagara y’abantu, muganga Sabina Ntakarutimana, agerageza guhimiriza abarundi kwegera amavuriro abegereye mu gihugu cose mu gihe bokwibonako ibimenyetso vy’indwara y’igituntu.

Umushikiranganji Ntakarutimana ahamagarira abanyagihugu kutirengagiza kwipimisha ku mavuriro, umwanya uwariwo wose biketse ibimenyetso vy’iyo ndwara.

Ubushikiranganji bw’amagara y’abantu buributsa ko igituntu ari indwara yandukira igaragazwa n’ibimenyetso bikurikira: inkorora y’urutavanako, ububabare mu mahaha, hamwe n’ukubira ivyuya vyinshi mw’ijoro. Abarwayi b’igituntu bari ku miti basabwa kutanywa itabi n’inzoga.

Ivyo akaba yabishikirije aho kuri uwu wa mungu igenekerezo rya 24 Ntwarante, Uburundi buzoba buhimbaza umusi mpuzamakungu wahariwe kurwanya indwara y’igituntu.