Ubufaransa: Umugabo yishe umugore na inabukwe biwe

Umugabo aturuka mu gihugu c’ubufaransa yishe umugore wiwe na inabukwe imbere y’abana biwe batatu.

Umugabo wo mu gihugu c’Ubufaransa yishe umugore wiwe afise imyaka 38 hamwe na inabukwe afise imyaka 58. Uwo mugabo akaba yishe abo bagore imbere y’abana biwe batatu, uwa mbere w’imyaka 5, uwa kabiri w’imyaka 4, uwundi w’imyaka 3.

Amatohoza ya mbere yakozwe n’abaporisi avuga ko umugabo yatanguye gushwana na inabukwe mu nyuma atangura gukubita umugore yariko ashigikira nyina wiwe. Uwo mugabo niho yarengera kuri abo bagore arabacumita n’imbugita yo mu gikoni imbere y’abana biwe batatu.

Ahejeje gukora ako kaja, uwo mugabo yaciye atwara abana biwe ku mubanyi hama aheza amumbwira ko ahejeje kwica umugore wiwe. Umubanyi wiwe yahamagaye abaporisi maze uwo mugabo bamusanga yicaye iruhande y’ikiziga c’umugore wiwe araheza aremera icaha yakoze.