Komine Kanyosha yasabwe kwijukira iterambere

Umushikiranganji w’intwaro yo hagati mu gihugu, Edouard Nduwimana yarahaye umubonano abarongoye inzego muri komine ya Kanyosha mu gisagara ca Bujumbura hamwe n’imvukira zaho, kuri uyu wa kane igenekerezo rya 25 Ndamukiza 2013.

Inyuma y’iyo nama, umushikiranganji w’intwaro yo hagati mu gihugu yamenyesheje ko komine ya Kanyosha igihanzwe n’ibibazo biyibuza kugera kw’iterambere rirama. Aho yatanze akarorero ko kwibanda cane mu bikorwa vy’imigambwe gusumba ibikorwa vy’iterambere, kubura umubano mwiza hagati y’indongozi n’imvukira n’abategetsi bo muri Komine Kanyosha ; ivyo vyose bikabangamira uburongozi bwiza n’iterambere muri iyo komine, isa n’iyikiri inyuma ugereranije n’izindi.

Twobamenyesha ko iyo nama yari ifise intumbero yo kurabira hamwe uburyo bwo kunagura intwaro ibereye n’uburongozi bwiza muri komine Kanyosha