Umuryango wa Clovis Ngabirano ukwije iminsi ine utazi irengero ryiwe

Auteur IGIHE
Date 8 November 2017 Heure: 12:06
Yasomwe : 14661
0 0

Ubwoba ni bwinshi mu muryango wa Clovis Ngabirano, umusore w’imyaka 27 yaburiwe irengero kuva ku muhingamo wo kuri uwu w’Imana. Umuryango wiwe umenyesha ko warondeye mu busho bwose ariko wamubuze. Mu giporisi c’Uburundi bavuga ko ataribo bafashe uwo musore yari asanzwe ari umunyeshure muri Kaminuza.

Uwo mu muryango wa Clovis NGABIRANO avuga ko uwo musore yafatiwe mu Kamenge mu bunywero buzwi kw’izina rya "Le Social". Ababonye ifatwa rya Clovis Ngabirano bamenyesha ko yafashwe n’abantu babiri bambaye impuzu z’igiporisi, ajanwa mu kibanza kitaramenyekana.

Uwo mu muryango w’uwo yafashwe abandanya yemeza ko barondeye mu busho bwose, ariko ko batarabona uwabo.

Mu giporisi c’Uburundi bamenyesha ko amakuru y’ifatwa rya Clovis Ngabirano bayahawe n’umuryango wiwe kuri uwu wa kabiri, ko amatohoza yatanguye, kugira mu giporisi bamenye aho Clovis Ngabirano ari.

Petero NKURIKIYE avugira igiporisi c’Uburundi ashikiriza ko uwo musore atafashwe n’igiporisi canke iperereza, akavuga ko mu matohoza ariko arakorwa bariko basuzuma ko atoba yanyurujwe n’abandi bantu.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha