Amatike y’igiteramo ca Big Farious agurishwa na Smart ku buhinga butari bumenyerewe

Nk’ishirahamwe ryafashije mw’itunganwa ry’ico giteramo ca Mugani Désiré azwi kw’izina rya Big Furious, Smart Burundi iriko idandaza amatike y’ukwinjira muri ico giteramo ku banywanyi ba Smart gusa, bakazoronswa ayo matike biciye ku buhinga ngurukanabumenyi (Tickets électroniques).

Amatike ariko aradandazwa ari mu mice ibiri : amatike asanzwe, hamwe n’amatike adasanzwe (Tickets VIP).

Amafaranga aciye muri Terefone agura itike biciye muri Terefone

Amatike asanzwe agurwa amafaranga ibihumbi bibiri bitangwa muma inite, nayo amatike adasanzwe (Tickets VIP) akagurwa amafaranga ibihumbi cumi nayo nyene arihwa muma inite. Umunywanyi wa Smart agura amatike yose ashaka, agahabwa kuri imwe yose ubutumwa (SMS) bwo muri Smart bumubwira akanyegezwabanga kerekana ko yaguze itike.

"Ako kanyegezwabanga niko azokwereka abakozi ba Smart ku bwinjiriro bw’ahazobera igiteramo ca Big Farious.", ivyo ni ibishikirizwa na Joseph Michel VYANKAMVUGA, umwe mu bajejwe kumenyekanisha ibikorwa vy’ishirahamwe Smart Burundi.

Twobamenyesha ko ayandi matike atadandajwe na Smart Burundi azogurishwa ku munsi w’igiteramo gusa, ku bwinjiriro bw’aho kizobera. Itike isanzwe izoba iriko igurishwa amafaranga ibihumbi bine, nayo itike idasanzwe (Ticket VIP) ikazoba iriko igurishwa amafaranga ibihumbi cumi na bitanu vy’amarundi (15000 Frs Bu).

Munywanyi, Smart Burundi yatoreye umuti ikibazo c’ugutonda umurongo urondera itike y’ukuja kwirabira ca gihangange Big Farious. Fyonda * 888 * 0 #