CECAFA 2017 : Umurwi nserukiragihugu wa Kenya watahukanye igikombe

Yanditswe na MUGISHA Van Naris
Kuya 18 décembre 2017 saa 11:28
7035
0 0

Umurwi nserukiragihugu wa Kenya Harambee Stars niwo watahukanye igikombe ca CECAFA Challenge Cup 2017, inyuma yo gutsinda izinga rya Zanzibar mu rukino rwa nyuma rutari rworoshe ku mpande zose.

Urukino rwa nyuma rwabaye kur’uyu w’Imana igenekerezo rya 17 Kigarama 2017 rwatanguye imirwi yose yerekana ko ikeneye gutahukana igikombe,naho urukino rwarangiye mu minota 120,imirwi yose inganya ibitsindo bibiri ku bindi.

Ku munota wa gatanu gusa w’urukino Ovella Ochieng niho yatsinda igitsindo ca mbere c’umurwi Harambee Stars wa Kenya, ari naco bari bafise gushika ku munota wa 89 w’urukino aho Kassim Khamis wa Zanzibar yatsinda igitsindo co kunganya.

Ku munota wa 98, Masud Juma wa Harambee Stars yatsinze igitsindo ca kabiri, ariko inyuma y’iminota 2 gusa, Kassim Khamis wa Zanzibar atsinda igitsindo ciwe ca kabiri, ari naco co kunganya.

Inyuma y’iminota 30 babongeye,hahavuye haterwa amapenariti kugira ibintu bidadanuke, umurwi nserukiragihugu wa Kenya uca utsinda zitatu kuri zibiri za Zanzibar, inyuma y’igikorwa gikomeye cakozwe n’umunyezamu wa Kenya, aho yakuyeyo peanriti zitatu zose.

Igihugu ca Kenya ari naco cakiriye iryo higanwa gica gitahukana igikombe ca CECAFA Challenge Cup 2017.

Mu rukino rwo kurondera ikibanza ca gatatu rwabaye kur’uyu w’Imana nyene imbere y’urukino rwa nyuma, umurwi nserukiragihugu w’Ubuganda watsinze Intamba mu Rugamba z’Uburundi, ibitsindo bibiri ku gitsindo kimwe, bica bituma umurwi w’Ubuganda utahukana ikibanza ca gatatu, uwo Uburundi utahukana ikibanza ca kane.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha