CHAN2018 : Imirwi ibiri izokina urukino rwa nyuma yamenyekanye

Yanditswe na MUGISHA Van Naris
Kuya 1er février 2018 saa 10:29
Yasomwe : 6885
0 0

Ihiganwa rihuza imirwi nserukirabihugu ikinamwo abakinyi bakina mu mahiganwa y’ibihugu vyabo rigeze mu rukino rwa nyuma. Imirwi nserukirabihugu vya Maroc na Nijeriya, niyo izokina urukino rwa nyuma.

Mu nkino z’igice ca kabiri gishira ica nyuma zabaye kur’uyu wa gatatu igenekerezo rya 31 Nzero 2018, umurwi wa Maroc watsinze umurwi nserukiragihugu wa Libiya, ibitsindo bitatu kuri kimwe.

Inyuma y’iminora 90 y’urukino, imirwi ibiri yaranganya igitsindo kimwe ku kindi, ariko umurwi nserukiragihugu wa Maroc, wahavuye utsinda ibitsindo bibiri, mu minota 30 bari bongewe.

Mu rundi rukino rw’igice ca kabiri gishira ica nyuma, umurwi nserukiragihugu wa Nijeriya watsinze umurwi nserukiragihugu wa Sudani, igitsindo kimwe ku busa.

Bitegekanijwe ko urukino ruhuza umurwi nserukiragihugu wa Libiya n’uwa Sudani rwo guhiganirwa ikibanza ca gatatu, ruzoba kur’uyu wa gatandatu igenekerezo rya 3 Ruhuhuma 2018, mu gihe urukino rwa nyuma hagati ya Maroc na Nijeriya ruzoba kuw’Imana igenekerezo rya 4 Ruhuhuma 2018.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha