CHAN2018 : Inkino z’igice ca kabiri gishira ica nyuma ziratangura gukinwa

Yanditswe na BUKURU Pacifique
Kuya 31 janvier 2018 saa 09:50
7320
0 0

Ihiganwa rya CHAN rihuza abakinyi bkina mu mahiganwa y’ibihugu vyabo rirabandanya, ariko rikaba ririko riregereza kurangira.Kur’uyu wa gatatu igenekerezo rya 31 Nzero, niho hategekanijwe inkino z’igice ca kabiri gishira ica nyuma.

Ku kibuga co mu gisagara ca Casablanca, igihe c’isaha icumi na zibiri n’igice ku masaha y’I Bujumbura, umurwi nserukiragihugu wa Maroc, ari nayo yakiriye ihiganwa, uza gutana mu mitwe n’umurwi userukira igihugu ca Libiya.

Igihe c’isaha zitatu n’igice naho, umurwi nserukiragihugu wa Sudani ukaza gutana mu mitwe n’umurwi nserukiragihugu wa Nijeriya ku kibuga co mu gisagara ca Marrakech.

Ku munsi wa gatandatu igenekerezo rya 3 Ruhuhuma 2018, hazokinwa urukino rwo kurondera ikibanza ca gatatu, rukazohuza imirwi iza gutsindwa mu nkino z’igice ca kabiri gishira ica nyuma.

Urukino rwa nyuma rw’ihiganwa rukaba rutegekanijwe ku munsi w’Imana igenekerezo rya 4 Ruhuhuma 2018, ku kibuga co mu gisagara ca Casablanca


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha