Cibitoke : Uwutahukana ikibanza ca mbere mw’ihiganwa ryo kwiruka aronswa ipikipiki

Yanditswe na Vianney BIKORIMANA
Kuya 30 juin 2017 saa 12:38
Yasomwe : 4077
0 0

Igice ca nyuma c’ ihiganwa ry’ugusiganwa mu kwiruka ryitiriwe "Umuravyo" cabereye mu ntara ya Cibitoke muri komine ya Buganda, kuri uwu wa gatanu. Ubushimwe butandukanye burategekanijwe ku batahukana intsinzi.

Inyuma y’ico gice ca nyuma (Final) c’ugusiganwa ku rwaruka rwitavye iryo higanwa, bitegekanijwe ko uwuza kuba uwa mbere aronswa agashimwe k’ipikipiki iciye agaciro k’imiriyoni 3 z’amafaranga y’amarundi.

Iryo higanwa ryatunganijwe n’imvukira z’intara ya Cibitoke, mu ntumbero yo kurondera urwaruka rufise impano n’ubushobozi bwo kwiruka kugira barufashe guteza imbere no kunagura impano.

Mwomenya ko ico gice ca nyuma c’iryo higanwa catewe iteka n’icegera ca kabiri c’umukuru w’igihugu Joseph BUTORE asanzwe avuka muri yo ntara, hamwe n’abashikiranganji babiri, Janviere NDIRAHISHA w’indero hamwe n’umushikiranganji w’agateka ka zina muntu Martin NIVYABANDI.


Kumenyekanisha

Kumenyekanisha

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha