FFB : Ikirangaminsi c’inkino zo ku ndwi ya 19 cagiye ahabona

Yanditswe na BUKURU Pacifique
Kuya 15 février 2018 saa 09:00
5805
0 0

Ihiganwa ry’umupira w’amaguru mu cicaro ca mbere Primus Ligue Burundi rirabandanya, rikaba rigeze ku ndwi yaryo ya 19. Ishirahamwe ry’umupira w’amaguru mu Burundi FFB ryashize ahabona ikirangaminsi c’inkino zizokinwa, aho imirwi LLBS4A na Olympic Star itazokina kuko iriko yitegurira inkino zo gusubiriza zizoba kw’igenekerezo rya 21 Ruhuhuma 2018 mu mahiganwa ya Total Champions League hamwe na Total Confederation Cup.

Mu nkino zitegekanijwe ku munsi wa gatandatu igenekerezo rya 17 Ruhuhuma, Buja City uzokwakira Les Jeunes Athlétics ku kibuga citiriwe umuganwa Rudoviko Rwagasore igihe c’isaha umunani, inyuma y’amasaha 2 kuri ico kibuga nyene, Inter Star ikine na Les Lierres.Mu gisagara ca Gitega, igihe c’isaha icenda, Flambeau du Centre izokwakira Delta Star ku kibuga co mu ntara ya Gitega.

Ku munsi w’Imana igenekerezo rya 18 Ruhuhuma 2018,hategekanijwe inkino zitezwe na benshi, harimwo urukino ruzohuza umurwi wa Vital’o FC na Flambeau de l’Est, ku kibuga citiriwe umuganwa Rudoviko RWAGASORE, mu gihe uwo munsi nyene igihe c’isaha icenda, I Ngozi ku kibuga c’Ibuye, Messager Ngozi izzokwakira umurwi Aigle Noir.

Inkino zitandatu kuri munani zari zitegekanijwe nizo zizokinwa, mu gihe imirwi LLBS4A na Olympic izokina ku yandi masango ataramenyekana, nk’uko bimenyeshwa n’ishirahamwe ry’umupira w’amaguru mu Burundi FFB.


Kumenyekanisha

1
nkotanyi 15-02-2018 à 21:45

mwiriwe ariko igihe kuki mutageza ku barundi uko championat d’afrique mu magare iri kubera mu Rwanda iri kugenda kandi harimo abakinnyi b’uburundi nubwo bitabagendekeye neza kuko babasize cyane ariko ntiwabarenganya nta bikoresho bafite peee mais bafite uhushake.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha