FFB : Uburundi bushobora kwakira ihiganwa rya CECAFA ry’abatarenza imyaka 17

Yanditswe na MUGISHA Van Naris
Kuya 4 janvier 2018 saa 10:23
Yasomwe :
0 0

Kuva kur’uyu wa gatatu igenekerezo rya 3 Nzero 2018, umunyamabanga mukuru w’Ishirahamwe CECAFA ari mu Burundi. Intumbero y’urwo rugendo, ni ukuvugana n’abarongoye ishirahamwe ry’umupira w’amaguru mu Burundi FFB, ibijanye n’integuro yo kwakira ihiganwa rya CECAFA rihuza abakinyi batarenza imyaka 17.

Nkuko amakuru dukesha ishirahamwe ry’umupira w’amaguru mu Burundi FFB abimenyesha, Nickolas Musonye yaje kuraba ko Uburundi bufise ibibuga bishobora kwakira amahiganwa, hisunzwe ko bufise amazu y’uburaro, ibibuga bikwije ibisabwa n’amategeko mpuzamakungu.

Mu gihe umunyamabanga mukuru w’ishirahamwe CECAFA yosanga ibibuga bikwije ibisabwa n’amategeko, iryo higanwa rishobora kubera mu ntara za Gitega, Ngozi na Bujumbura na Muyinga.

Bitegekanijwe ko hamwe ata gihindutse mu nteguro ,izo nkino zizoba mu ntango y’ukwezi kwa kane 2017.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha