Francine NIYONSABA yabaye uwa kabiri mu mahiganwa yabereye muri Norvege

Yanditswe na MUGISHA Van Naris
Kuya 16 juin 2017 saa 09:48
Yasomwe : 15246
0 0

Umunonotsi w’umurundikazi Francine NIYONSABA yatahukanye ikibanza ca kabiri mu kwiruka imetero 800 mu mahiganwa yabereye ku murwa mukuru w’igihugu ca Norvege Oslo yatunganijwe n’ishirahamwe IAAF Diamant, arushijwe n’umunonotsi ava mu gihugu ca Afrika y’Epfo Caster SEMENYA.

Fancine NIYONSABA yirutse izo metero 800 mu mwanya ungana n’umunota umwe ,amasegonda 58 n’ivy’ijana 18 (1’58’’18), mu gihe Caster SEMENYA yabaye uwa mbere yirutse izo metero 800 mu munota umwe,amasegnda 57 n’ivy’ijana 59 (1’57’’59).

Kuva batangura kwiruka, umurundikazi Francine NIYONSABA niwe yari imbere, ariko hasigaye imetero 50 ngo bashike aho bahagararira, Caster SEMENYA yaciye imbere umunonotsi Francine NIYONSABA gutyo aca atahana ikibanza ca mbere.

Francine NIYONSABA yaje mu kibanza ca kabiri inyuma ya Caster SEMENYA, akurikirwa n’umunyakenyakazi Wambui Margaret Nyairera.

Aba batatu nyene nibo baje mu bibbanza biatatu vya mbere mu mahiganwa mpuzamakungu yo kunonora imitsi yabereye mu gisagara ca Rio de Janeiro mu gihugu ca Bresil.


Kumenyekanisha

1
Coyitungiye jonasi 13-08-2017 à 07:39

Amahirwe mansa niyo tumwifurije

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha