Indwara y’igituntu isanzwe ifise imiti irabandanya kwica abantu

Yanditswe na Callixte NDIKUMANA
Kuya 24 Ntwarante 2018 saa 01:28
7335
0 0

Umuyobozi atwara igisata c’ubuvuzi mu karere ka Afrika mu rwego rw’ubuvuzi rwo kw’isi yose Muganga Matshidiso Moeti, yashikirije icegeranyo ku bijanye n’indwara y’gituntu kuri uwu wa gatandatu igenekerezo rya 24 Ntwarante 2018, umusi mpuzamakungu wahariwe kurwanya iyo ndwara. Icivugu c’uwo munsi : “kurondeza : indongozi mu rwego rwo kurwanya igituntu, gufasha mu ntumbero yo kurandurana n’imizi indwara y’igituntu kw’isi”.

Muganga Matshidiso Moeti yahamagariye abakozi bo mu buvuzi, amashirahamwe yigenga, kurwiza ubuzi bujanye no kwiga ukuntu borwanya iyo ndwara y’igituntu gushika no mu mizi. Yasavye kandi ko hoba ivyirwa bikomeye bijanye no gukurikirana abafashwe niyo ndwara.

Muganga Matshidiso yasavye kandi ko Reta yobigiramwo uruhara runini biciye mu gisata kibijejwe, ndetse no kurwiza uburyo muri ico gisata co kurwanya indwara y’igituntu ku buryo imiti nkenerwa yoguma mu bubiko bwayo ku rwego rw’igihugu cose.

Muganga Matshidiso Moeti yiyemeje ko akirongoye akarere ka Afrika mu rwego rwo kw’isi yose mu buvuzi, azokora uko ashoboye ku buryo iyo ndwara y’igituntu iranduranwa n’imizi.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha