Prosper MUYUKU:“ ibice 14 kw’ijana vy’abana barapfa kubera kudakaraba amaboko n’isabuni.”

Yanditswe na Vianney BIKORIMANA
Kuya 26 October 2018 saa 07:23
6870
0 0

Umukuru w’igisata kijejwe isuku n’amazi meza mu bushikiranganji bw’amagara y’abantu no kugwanya Sida ,Prosper MUYUKU amenyeshako ibice 14 kw’ijana vy’abana aribo bapfa bivuye ku ngwara zitumwe no kukudakaraba amaboko n’isabuni.

Ivyo yabishikirije mu ruganda ico gisata c’ubushikiranganji bw’amagara y’abantu no kugwanya Sida catunganije ku bamenyeshamakuru mu kwitegurira umusi mpuzamakungu wahariwe gukaraba n’isabuni mu ntumbero yo kubasaba kugira bafashe guhimiriza abanyagihugu kumenya gukaraba n’isabuni mu gukinga amagara yabo ntasinzikare .

Prosper MUYUKU yavuze ko umugirwa wo gukaraba n’isabuni utaratera imbere kuko hacibonekeza indwara zandukira bivuye kukudakaraba kandi zigahitana ubuzima bw’abantu.

Uyo arongoye ico gisata kijejwe isuku n’amazi meza murubwo bushikiranganji avuga ko abantu bakwirikije amategeko ajanye no gukaraba n’isabuni vyofasha kugira ubuzima bw’abana basinzikazwa n’ingaruka zo kudakaraba ntibuhungabane.
Prosper MUYUKU avuga ko abantu bakwiye gukaraba n’isabuni iyo bavuye ahantu hariho hose kuko dufise umugenzo wo kuramukanya ariko bakwiye gukaraba na cane cane mu biringo 5 bikomeye arivyo imbere yo kurya,imbere yo gutegura imfungurwa,imbere yo kwonsa umwana,inyuma yuwuvuye mu kazu ka sugumwe hamwe n’inyuma yuwuhejeje gusukura umwana avuye ku mwanda mukuru.

Prosper MUYUKU asaba abantu bose baba abigisha mu mashure,abajejwe intwaro batandukanye,abakuru b’amashengero gufasha guhimiriza abantu kugira bijukire gukaraba n’isabuni murivyo bihe bikomeye kugira bifashe gukinga ingwara ata buryo burinzwe gukoreshwa.

Umusi mukuru mpuzamakungu wahariwe gukaraba amaboko n’isabuni wama uhimbazwa kw’igenekerezo rya 15 Gitugutu buri mwaka ,uyu mwaka wa 2018 mu Burundi ukazohimbazwa kw’igenekerezo rya 30 Gitugutu muri komine Tangara mu ntara ya Ngozi.


Kumenyekanisha

1
MVUYEKURE EMMANUEL 30-10-2018 à 15:05

MUBISANZWE UWO NYAKUBAHWA MUTAMA MUYUKU AHO YACIYE YIGISHA ISUKU ABANTU BARATEYIMBERE KUBIJANYE NISUKU

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha